पॅरिस : मगर मुळातच भयंकर आहे. अतिशय शांतपणे शिकारीची वाट पाहणे आणि योग्य वेळी सावज टिपण्याचा गुण मगरीकडे अंगभूत असतो. त्यामुळे मगर पाहणे तर दूरचे नाव घेतले, तरी मनात एक भीती निर्माण होते. मगरीने प्राण्यांची शिकार केल्याचे अनेक व्हिडीओ सोशल मीडियावरही व्हायरल होत असतात. पण, आता सोशल मीडियावर मगरीचा असा एक व्हिडीओ व्हायरल होत आहे जो पाहूनच अंगावर काटा येईल.
कधी कधी जास्त हुशारीदेखील अंगाशी येते. तरीही लोक असे काही कृत्य करतात, ज्यामुळे त्यांच्या जीवालाही धोका होऊ शकतो. मगरी किती खतरनाक असतात, हे माहीत असतानाही तरीही लोक मगरीला हलकेच घेतात आणि त्याच्याशी खेळायला लागतात. सध्या याचाच प्रत्यय देणारा एक व्हिडीओ व्हायरल होत आहे. एका व्यक्तीला मगरीशी खेळणे चांगलेच महागात पडले असल्याचे दिसते आहे. हा व्हिडीओ सोशल मीडियावर मोठ्या प्रमाणात व्हायरल होत असून, तो पाहिल्यानंतर लोकांना धक्काच बसला. व्हायरल होत असलेल्या या व्हिडीओमध्ये एक व्यक्ती स्टंट करण्यासाठी मगरीच्या जबड्यात डोके ठेवत असल्याचे दिसत आहे. त्यानंतर त्या मगरीने आपला जबडा बंद करण्यास सुरुवात केली आणि तो व्यक्ती ओरडू लागतो. हे पाहून त्याचे मित्र त्याला वाचवण्यासाठी त्याच्याकडे धावले आणि जबरदस्तीने मगरीचे तोंड उघडण्याचा प्रयत्न केला. त्या व्यक्तीला तीव्र वेदना होत असतानाही मगर आपला जबडा उघडत नसल्याचे दिसते आणि त्या व्यक्तीला धरून राहते. हे भयानक द़ृश्य पाहून लोकही घाबरले. या व्हिडीओवर लोकांच्या प्रतिक्रिया हा व्हिडीओ सोशल मीडिया प्लॅटफॉर्म एक्सवर शेअर करण्यात आला आहे. व्हिडीओ लिहिल्यापर्यंत 6.6 दशलक्ष लोकांनी तो पाहिला आहे आणि 27 हजार लोकांनी त्याला लाईक केले आहे.