नवी दिल्ली : मोड आलेले कडधान्ये ही नेहमीच आरोग्यदायी ठरत असतात. विशेषतः आपण मोड आलेली मटकी किंवा मुगाचे सेवन करीत असतो; मात्र मोड आलेल्या मेथीमध्येही भरपूर प्रमाणात जीवनसत्त्वे, पोषक तत्त्वे आणि अँटीऑक्सिडंट्स असतात ज्यामुळे तुमचे आरोग्य निरोगी राहाण्यास मदत होते, असे आहारतज्ज्ञ सांगतात. मोड आलेल्या मेथीचे सेवन केल्यामुळे शरीरातील व्हिटॅमिन ‘सी’, ‘ए’ आणि ‘बी’ कॉम्प्लेक्स यांच्यासारखे पोषक घटक वाढण्यास मदत होते. मोड आलेल्या मेथीचे नियमित सेवन केल्यामुळे तुमच्या तुमची रोगप्रतिकारकशक्ती वाढण्यास मदत होते.
मेथीमध्ये भरपूर प्रमाणात प्रोटीन, कॅल्शियम आणि फायबर देखील असतात ज्यामुळे संसर्गाचे आजार होत नाहीत. मोड आलेल्या मेथीमध्ये भरपूर प्रमाणात व्हिटॅमिन ‘ए’ असते ज्यामुळे डोळ्याचे आरोग्य निरोगी राहाण्यास मदत होते. मेथीमधील ‘बी’ कॉप्लेक्स जीवनसत्त्व शरीरातील ऊर्जा वाढण्यास मदत होते. मेथीमधील प्रथिने तुमच्या शरीरातील स्नायू मजबूत होण्यास मदत होते. त्यासोबतच मेथीमधील कॅल्शियम हाडांचे आरोग्य सुधारण्यास मदत करते. मेथीचे सेवन केल्यामुळे तुमचे पचन सुधारण्यास मदत होते. मोड आलेल्या मेथीमध्ये भरपूर प्रमाणात फायबर असते ज्यामुळे पचन सुधारण्यास मदत होते. जर पोटदुखी, बद्धकोष्ठता, अॅसिडिटी आणि गॅसची समस्या असेल तर सकाळी रिकाम्यापोटी मोड आलेल्या मेथीचे सेवन करावे. मोड आलेल्या मेथीमध्ये भरपूर प्रमाणात अँटी-ऑक्सिडंटस् आणि अँटी-इंफ्लेमेटरी गुणधर्म असतात ज्यामुळे शरीरातील रोगप्रतिकारशक्ती वाढवण्यास मदत होते. मोड आलेल्या मेथीमध्ये आरोग्यासाठी आवश्यक एन्झाईम्स आढळतात ज्यामुळे शरीरातील साखरेची पातळी नियंत्रित ठेवण्यास मदत होते.