सुरत : गणेशोत्सवाला मोठ्या उत्साहात सुरुवात झाली आहे. अनेक ठिकाणी गणेशाच्या विविध प्रकारच्या मूर्ती स्थापित करण्यात आल्या आहेत. यातच आता सुरतमधून एक अनोखी मूर्ती स्थापन करण्यात आल्याची घटना समोर आली आहे. या मूर्तीची पूजा वर्षातून फक्त एकदा केली जाते. याची ही कहाणी विशेष रंजक ठरत आली आहे.
सुरत येथील हीरा उद्योगपती कनु आसोदरिया यांच्याजवळ नैसर्गिकरीत्या मिळालेल्या हिर्‍यांचा गणेश आहे. गणेशाच्या आकाराचा हा हिरा कोहिनूर हिर्‍यापेक्षाही मोठा आहे. इतकेच नव्हे, तर बाजारात याची किंमत 600 कोटी रुपयांपेक्षाही जास्त सांगितली जात आहे. गणपतीवर असलेल्या श्रद्धेपोटी कनु आसोदरिया यांनी अनेक मौल्यवान दगड एकत्र केले आहेत. खाणीत खोदकाम करत असताना त्यांना असे अनेक दगड सापडले होते. ते त्यांनी सुरक्षित ठेवले. त्यांनी नैसर्गिकरीत्या मिळालेल्या दगडात गणपतीची मूर्ती असल्याने त्यास सांभाळून ठेवले आहे. मिळालेल्या माहितीनुसार, 15 वर्षांपूर्वी व्यावसायिक कनु आसोदरिया जेव्हा व्यवसायाच्या निमित्ताने बेल्जियम याठिकाणी गेले होते तेव्हा ते रफ डायमंड (कच्चा हिरा) घेऊन परतले होते. याचदरम्यान, त्यांच्या वडिलांना एक स्वप्न आले की, ‘या रफ डायमंडमध्ये गणेशजी आहेत.’ जेव्हा त्यांनी या रफ डायमंडला अत्यंत नीट पाहिले तेव्हा त्यांना त्यात गणेशाची मूर्ती दिसली आणि तेव्हापासून ते या हिर्‍याची पूजा करत आहेत. या रफ डायमंडचे वजन 182.3 कॅरेट आणि 36.5 ग्रॅम आहे. विशेष बाब म्हणजे, सुरत येथील हे गणेशजी इतने मौल्यवान आहेत की, त्यांची पूजा आणि दर्शन संपूर्ण वर्षभरात फक्त एकच दिवस केले जाऊ शकते.
कनुभाई यांनी गणेश चतुर्थीला आपल्या घरी जगातील सर्वात महागडा हिरा असलेल्या गणेशाची स्थापना केली. या हिर्‍याची नोंद लंडन येथे वर्ल्ड बुक ऑफ रेकॉर्ड्सने जगातील सर्वात अद्वितीय म्हणून केले आहे. सर्वात महत्त्वाचे म्हणजे जेव्हाही कनुभाई यांना या हिर्‍याच्या किमतीबाबत विचारले जाते तेव्हा, ‘मी कधीच याबाबत विचार केला नाही. कारण माझ्यासाठी तो अनमोल आहे, हे एकच उत्तर ते देतात. हा रफ डायमंड म्हणजे कच्चा हिरा 182 डायमंडचा आहे, जो कोहिनूर हिर्‍यापेक्षाही मोठा आहे. पुढे बोलताना ते म्हणाले की, ‘हा एक नैसर्गिक हिरा आहे आणि ते आफ्रिकेत उत्खनन करताना तो मिळाला आहे. आम्ही त्याला इथे आणल्यावर एके सकाळी माझ्या वडिलांनी मला सांगितले की, आपण हिर्‍याच्यारूपाने गणेशाजवळ पोहोचलो आहोत. यानंतर जेव्हा आम्ही तपासणी केला तेव्हा आम्हाला या हिर्‍याच्या रूपाने गणेशाचा आशीर्वाद मिळाल्याचे जाणवले. गणेशोत्सवादरम्यान, त्याची पूजा केली जाते आणि गणेशजी कर्माचे देव असल्याने आम्ही या मूर्तीला ‘कर्म गणेशा’ नाव दिले आहे. तसेच हा हिरा सुरक्षित ठेवण्यात आला आहे.’