Ajit Pawar plane crash:
पुणे: उपमुख्यमंत्री अजित पवार यांच्या विमान अपघात संदर्भात एक महत्त्वाची अपडेट समोर आलेली आहे. या प्रकरणाचा तपास करणाऱ्या सीआयडीने 'व्हीएसआर' विमान कंपनीचे मालक व्ही. के. सिंग यांची सलग तीन दिवस सखोल चौकशी केली. या चौकशीदरम्यान, सिंग यांनी आपला जबाब नोंदवताना, या संपूर्ण अपघाताला पायलट सुमित कपूर याचीच चूक होती, असे म्हटले आहे.
सिंग यांची चौकशी करण्यासाठी सीआयडीने कमालीची गोपनीयता पाळली होती. चौकशीच्या पहिल्या दिवशी माध्यम प्रतिनिधींनी सीआयडी कार्यालयाबाहेर मोठी गर्दी केली होती. सिंग यांची प्रतिक्रिया घेण्यासाठी पत्रकारांची चढाओढ सुरू होती. ही गर्दी लक्षात घेता, सीआयडीने पुढचे दोन दिवस अत्यंत गुप्तता पाळून आपली कारवाई पूर्ण केली. व्ही. के. सिंग यांच्या जबाबानंतर सीआयडी आता व्ही. के. सिंग यांचा मुलगा रोहित सिंग याचीही चौकशी करणार आहे.