पुणे; पुढारी वृत्तसेवा : वाकडेवाडी येथील अंडरपासजवळ पीएमपी बसचा आणि एका चारचाकीचा 28 डिसेंबरला रात्री उशिरा अपघात झाला. एका पीएमपीएमएल बसने अनेक गाड्यांना धडक दिल्यामुळे गाड्यामालकांचे आर्थिक नुकसान सुद्धा झाले आहे. या अपघातात पीएमपी चालक आणि चारचाकी चालक किरकोळ जखमी झाले. त्यांना तत्काळ जवळच्या रुग्णालयात उपचारासाठी नेण्यात आले. दरम्यान, अपघातानंतर येथे काही वेळ वाहतूक कोंडी झाली होती. मात्र, काही वेळाने रस्ता मोकळा करण्यात आला, अशी माहिती पोलिस निरीक्षक ताम्हाणे यांनी दिली.