पुढारी ऑनलाइन डेस्क : आठवड्याच्या शेवटच्या दिवशी भारतीय शेअर बाजाराची सुरुवात आज पुन्हा नकारात्मक लाल निर्देशांकानी झाली. गुरुवारी संघर्ष केल्यानंतर भारतीय बाजाराच्या आजच्या दिवसाची सुरुवात देखील नकारात्मक झाली. अवघ्या तासाभरात निफ्टी 17850 च्या खाली आला तर सेन्सेक्स 250 अंकांनी घसरला.
सेन्सेक्समध्ये महिंद्रा अँड महिंद्रा, बजाज फिनसर्व्ह, आयटीसी, लार्सन अँड टुब्रो आणि बजाज फायनान्स हे सर्वाधिक नफा मिळवणारे आहेत, एलआयसीचे शेअर्स 2 टक्क्यांनी वाढले. तर कालपर्यंत वधारलेले झोमॅटोच्या शेअर्स बाजाराच्या सुरुवातीलाच 4 टक्के घसरले. या व्यतिरिक्त एचसीएल टेक, टाटा स्टील, इन्फोसिस, विप्रो आणि टेक महिंद्रा यांना नुकसान झाले आहे.
गुरुवार पासून सुरू असलेली बँक निफ्टीची घसरण अजूनही कायम आहे. बँक निफ्टी 60.35 अंक किंवा 0.15% घसरून 41,493.95 वर आला. निर्देशांकात सर्वाधिक लाभधारक AU बँक, बँक ऑफ बडोदा, PNB, Axis बँक आणि कोटक बँक आहेत. तर ICICI बँक, IDFC फर्स्ट बँक, IndusInd बँक, SBIN आणि HDFC बँक तोट्यात आहेत.
MSCI च्या घोषणेनंतर अदानी समूहातील कंपन्यांच्या समभागांच्या किमतीत लक्षणीय घसरण झाली. MSCI ने Adani Enterprises Ltd., Adani Transmission Ltd., Adani Total Gas Ltd., and ACC Ltd. च्या फ्री फ्लोटमध्ये बदल करण्याची आपली योजना जाहीर केली आहे. हे बदल 28 फेब्रुवारी रोजी लागू केले जातील.
हे ही वाचा :