डब्लिन : वृत्तसंस्था : टीम इंडिया भारतात खेळत असली किंवा विदेशात खेळत असली, तरी भारतीय क्रिकेट चाहते स्टेडियममध्ये नाहीत, असे कधी होणार नाही. मालिकेदरम्यान सूर्यकुमार यादवला पाहण्यासाठी मुंबईवरून त्याचे चाहते थेट डब्लिन येथे पोहोचले होते. आपल्या संघाला पाठिंबा देण्यासाठी भारतातील क्रिकेटवेडे जगाच्या पाठीवर कोठेही जाऊ शकतात. नुकतीच टीम इंडिया आयर्लंड दौर्यावर दोन टी-20 सामन्यांची मालिका खेळली. यावेळीदेखील भारतीय चाहत्यांनी मैदान भरून गेले होते.
या मालिकेदरम्यान सूर्यकुमार यादवला पाहण्यासाठी मुंबईवरून त्याचे चाहते थेट डब्लिन येथे पोहोचले होते. या फॅन्ससोबतचा फोटो सूर्यकुमार यादवने आपल्या सोशल मीडिया अकाऊंटवरून शेअर केला आहे. सूर्यकुमारच्या चाहत्यांनी 'एकच वादा, सूर्या दादा', 'फक्त सूर्यकुमारला पाहण्यासाठी मुंबई ते डब्लिन' असे फलक तयार केले होते. सूर्यकुमारने या सर्वांचे फोटो शेअर करत म्हणाला 'आम्ही कोठेही गेलो तरी अशा प्रकारचे प्रचंड समर्थन आम्हाला पाहावयास मिळते. ही गोष्ट मनात घर करून गेली. कायम आमची साथ दिल्याबद्दल सर्वांचे खूप खूप आभार.'