पुढारी ऑनलाईन डेस्क : पॅरिस पॅरालिम्पिकमध्ये भारताचा पॅरा ज्युडोपटू कपिल परमारने चमकदार कामगिरी केली. त्याने पुरुषांच्या 60 किलो J1 स्पर्धेत कांस्यपदक पटकावले. कांस्यपदकाच्या लढतीत त्याने ब्राझीलच्या एलिटॉन डी ऑलिव्हेराचा 10-0 असा पराभव केला. पॅरालिम्पिकमध्ये पदक जिंकणारा तो भारताचा पहिला ज्युडोपटू ठरला आहे. पॅरिस पॅरालिम्पिकमध्ये भारताच्या पदकांची संख्या 25 वर पोहचली आहे. यात पाच सुवर्ण, नऊ रौप्य आणि 11 कांस्यपदकांचा समावेश आहे. (Paris Paralympics Kapil Parmar Judo Bronze Medal)