पुढारी ऑनलाईन डेस्क : आयपीएल हंगामातील ४६ वा सामना चेन्नई सुपर किंग्ज विरुद्ध सनराईजर्स हैदराबाद यांच्यात खेळवण्यात येत आहे. हा सामना पुण्याचा एमसीएस स्टेडियमवर होणार आहे. नाणेफेक जिंकून हैदराबादचा प्रथम गोलंदाजीचा निर्णय घेतला. यंदाच्या हंगामाच्या आधी धोनीने कर्णधार पदाचा राजीनामा दिला होता. यानंतर कर्णधार पदाची धुरा जडेजाकडे देण्यात आली.
परंतु, जडेजाच्या नेतृत्वामध्ये चेन्नईची कामगिरी निराशाजनक राहिली. त्यामुळे संघाने कर्णधार पदाची धुरा पुन्हा धोनीकडे देण्याचा निर्णय घेतला. यामुळे धोनी चेन्नईची पराभवाची मालिका खंडित करून संघाला विजयी मार्गावर पुन्हा आणेल असा विश्वास संघाच्या समर्थकांना आहे. चेन्नईने आतापर्यंत ८ सामने खेळले आहेत. त्यातील २ सामन्यात त्यांनी विजय मिळवता आला. गुणतालिकेत ते सध्या चार गुणांसह नवव्या स्थानावर आहे. तर दुसरीकडे सनराईजर्स हैदराबाद गेल्या काही सामन्यांपासून सातत्यपूर्ण कामगिरी करताना दिसत आहे. त्यांनी ८ पैकी ५ सामने जिंकून १० गुणांसह गुणतालिकेत चौथे स्थान मिळवले आहे.