भारताने मालिका १-१ अशी बरोबरीत आणली आहे, आता निर्णायक सामना बाकी आहे. भारतीय संघाने ऑस्ट्रेलियात आजपर्यंत एकही टी-२० आंतरराष्ट्रीय मालिका गमावलेली नाही. पहिल्या सामन्यात मेलबर्नमध्ये भारतीय संघ पूर्णपणे निष्प्रभ ठरला होता, पण या सामन्यात सूर्यकुमार यादवने अखेरीस टॉस जिंकल्यापासून त्यांनी अनेक गोष्टी योग्य केल्या. अर्शदीप सिंगने ट्रॅव्हिस हेड आणि जॉश इंग्लिसला लवकर बाद करत ऑस्ट्रेलियाला सुरुवातीलाच धक्के दिले. टीम डेव्हिड तुफान फलंदाजी करत होता, पण त्याचवेळी वरुण चक्रवर्तीने एकाच षटकात दोन विकेट्स घेत ऑस्ट्रेलियन संघाचा वेग कमी केला. डेव्हिड बाद झाल्यानंतर मार्कस स्टोइनिसने सूत्रे हाती घेतली आणि या जोडीने शिवम दुबेला लक्ष्य करत मोठी धावसंख्या उभारण्याचा निर्धार पक्का केला. मात्र, शिवम दुबेने धोकादायक मार्कस स्टोइनिसला बाद केले. या विजयामुळे भारतीय संघाने ऑस्ट्रेलियातील टी-२० मालिकेतील आपला दबदबा कायम ठेवला आहे. आता तिसरा आणि निर्णायक सामना बाकी आहे.
मालिकेतील पहिला सामना पावसामुळे रद्द झाला होता. आज तिस-या सामन्यात प्रथम फलंदाजी करताना कांगारू संघाने ६ बाद १८६ अशी धावसंख्या उभारली होती. प्रत्युत्तरात भारतीय संघाने ५ गडी गमावून हे आव्हान यशस्वीरित्या पूर्ण केले.
टॉस आणि गोलंदाजी : भारतीय संघाने टॉस जिंकून प्रथम गोलंदाजी करण्याचा निर्णय घेतला.
ऑस्ट्रेलियाची फलंदाजी : कांगारू संघासाठी टीम डेव्हिडने ७४ धावांची सर्वात मोठी खेळी केली. मार्कस स्टोइनिसच्या बॅटमधून ६४ धावा निघाल्या.
भारताची गोलंदाजी : भारतीय संघासाठी अर्शदीप सिंगने सर्वाधिक ३ बळी घेतले.
भारताची फलंदाजी : लक्ष्याचा पाठलाग करताना वॉशिंग्टन सुंदरने नाबाद ४९ धावांची महत्त्वपूर्ण खेळी केली. त्याला तिलक वर्मा (२९ धावा) आणि सूर्यकुमार यादव (२४ धावा) यांनी साथ दिली.
ऑस्ट्रेलियाची गोलंदाजी : ऑस्ट्रेलियाकडून नाथन एलिसने ३ विकेट्स घेतल्या.
टीम डेव्हिडचे ९ वे टी-२० अर्धशतक : डेव्हिडने केवळ ३८ चेंडूंमध्ये ७४ धावा केल्या, ज्यात ८ चौकार आणि ५ षटकारांचा समावेश होता. त्याचा स्ट्राइक रेट १९४.७४ राहिला. हे त्याच्या टी-२० आंतरराष्ट्रीय कारकिर्दीतील ९ वे, तर भारताविरुद्धचे दुसरेच अर्धशतक होते, जे त्याने अवघ्या २३ चेंडूंमध्ये पूर्ण केले. तो आतापर्यंत ६६ सामन्यांतील ५७ डावांमध्ये ३७.४२ च्या सरासरीने आणि १६९.२१ च्या दमदार स्ट्राइक रेटने १,५७२ धावा करण्यात यशस्वी झाला आहे.
मार्कस स्टोइनिसचे भारताविरुद्ध पहिले अर्धशतक : स्टोइनिसने ३९ चेंडूंचा सामना करत ६४ धावा काढल्या. यात ८ चौकार आणि २ षटकारांचा समावेश होता. त्याचा स्ट्राइक रेट १६४.१० होता. हे त्याच्या टी-२० आंतरराष्ट्रीय कारकिर्दीतील ६ वे आणि भारताविरुद्धचे पहिले अर्धशतक होते, जे त्याने ३२ चेंडूंमध्ये पूर्ण केले. तो ८० सामन्यांतील ६५ डावांमध्ये ३२.२१ च्या सरासरीने आणि १४८.७६ च्या स्ट्राइक रेटने १,३२१ धावा करू शकला आहे. त्याची सर्वोत्तम धावसंख्या ७८ धावा आहे.
अर्शदीप सिंगची शानदार गोलंदाजी : अर्शदीपने ४ षटके गोलंदाजी करत ३५ धावांच्या मोबदल्यात ३ महत्त्वाच्या विकेट्स घेतल्या. त्याची इकॉनॉमी ८.८० होती. त्याने पहिल्याच षटकात ट्रॅव्हिस हेडला (६ धावा) बाद केले. त्यानंतर जोश इंग्लिसला (१ धाव) आपला बळी बनवले. स्टोइनिसच्या रूपात त्याने तिसरी विकेट घेतली. वरुण चक्रवर्तीने या सामन्यात २ बळी घेतले.
अर्शदीप सिंग हा भारतासाठी टी-२० आंतरराष्ट्रीय क्रिकेटमध्ये सर्वाधिक वेळा ३ किंवा त्याहून अधिक विकेट्स घेणारा संयुक्त खेळाडू बनला आहे. त्याने कुलदीप यादवच्या विक्रमाची बरोबरी केली आहे. या दोन्ही गोलंदाजांनी या फॉर्मेटमध्ये प्रत्येकी १४-१४ वेळा '३ विकेट्स हॉल' आपल्या नावावर केले आहेत. युजवेंद्र चहल आणि हार्दिक पंड्या (प्रत्येकी १० वेळा) संयुक्तपणे दुसऱ्या स्थानावर आहेत, तर भुवनेश्वर कुमार आणि रवी बिश्नोई यांनी ८-८ वेळा हा पराक्रम केला आहे.
टीम डेव्हिड आता टी-२० आंतरराष्ट्रीय क्रिकेटमध्ये ऑस्ट्रेलियासाठी एका कॅलेंडर वर्षात सर्वाधिक षटकार मारणारा फलंदाज बनला आहे. त्याने २०२५ मध्ये ३५ षटकार लगावले आहेत. या यादीत ट्रॅव्हिस हेड (२०२४ मध्ये ३३ षटकार) दुसऱ्या, तर ॲरन फिंच (२०१८ मध्ये ३१ षटकार) तिसऱ्या क्रमांकावर आहे.
४.२ व्या षटकात बार्टलेटने तिलक वर्माला जॉश इंग्लिसकरवी झेलबाद केले. तिलक वर्माने चेंडू थेट इंग्लिसच्या हातात मारला. तिलकने एका गुडघ्यावर बसून चेंडू इन्फिल्डवरून स्कूप करण्याचा प्रयत्न केला होता, पण या फुल लेन्थ चेंडूने बॅटच्या स्प्लाइसला लागून वरच्या दिशेने उसळी घेतली आणि क्षेत्ररक्षकाला चकवण्याऐवजी थेट विकेटकिपरच्या हातात गेला. यावेळी भारताला विजयासाठी ३४ चेंडूंमध्ये ४२ धावांची गरज होती. तिलकने २९(२६ चेंडू, १ चौकार-१ षटकार) धावा केल्या.
११.१ व्या षटकात नॅथन एलिसने अक्षर पटेलला बार्टलेटकरवी झेलबाद केले. चेंडू हवेत... आणि बार्टलेटने उत्कृष्ट झेल टिपला.. एलिसने टाकलेल्या तीव्र वेगाच्या शॉर्ट चेंडूने आणखी एका भारतीय फलंदाजाला अचंबित केले. सुमारे १४० किमी प्रतितास वेगाने डोक्याच्या दिशेने आलेल्या या चेंडूवर अक्षरला पुल शॉट खेळण्यास खूप उशीर झाला आणि तो गडबडला. चेंडू बॅटवर आदळताच बॅट त्याच्या हातातून फिरली आणि चेंडू थेट वर हवेत गेला. बार्टलेटला झेल घेण्यासाठी बरेच दूर पळत यावे लागले आणि त्याने जमिनीपासून काही इंच अंतरावर पूर्ण लांबीची सूर मारून हा महत्त्वाचा झेल पूर्ण केला. ही भागीदारी शांतपणे सामना भारताच्या बाजूने नेत होती, पण एलिसने ऑस्ट्रेलियाला पुनरागमन करून दिले आहे. अक्षरने १७ (१२ चेंडू, १ चौकार) धावा केल्या.
७.३ व्या षटकात भारताला मोठा धक्का बसला. स्टोइनिसने सूर्यकुमार यादवला एलिसकरवी झेलबाद केले. 'स्काय'ने चेंडू थेट कव्हरला उभ्या असलेल्या क्षेत्ररक्षकाच्या हातात मारला. हा सोपा झेल एलिसने आरामात पकडला. सूर्या सेट झाला होता आणि उत्तम फलंदाजी करत होता. स्टोइनिसने बोटांची फिरकी घेत हा स्लोअर चेंडू टाकला, ज्यामुळे चेंडू अपेक्षेपेक्षा जास्त उसळला. स्कायला कव्हर ड्राइव्ह खेळायचा होता, पण उसळीमुळे चेंडू बॅटच्या वरच्या भागाला लागला आणि थेट क्षेत्ररक्षकाच्या हातात गेला. सूर्यकुमार यादवने १ चौकार आणि २ षटकारांसह ११ चेंडूत २४ धावा केल्या.
शुभमन गिलला नॅथन एलिसने बाद केले. त्याने १५ धावा केल्या. यावेळी सूर्यकुमार यादव १८ धावांवर खेळत होता. भारताने ५.३ षटकांत २ बाद ६१ धावा केल्या.
डावाच्या चौथ्या षटकात ३३ धावांच्या एकूण धावसंख्येवर भारताला पहिला धक्का बसला. नॅथन एलिसने सलामीवीर अभिषेक शर्माला जोश इंग्लिसकरवी झेलबाद केले. अभिषेक शर्माने १६ चेंडूंमध्ये दोन चौकार आणि दोन षटकारांच्या मदतीने २५ धावा काढून आपली महत्त्वपूर्ण खेळी संपुष्टात आणली.
दोन षटकांच्या समाप्तीनंतर भारताने कोणतीही विकेट न गमावता २६ धावा केल्या आहेत. सीन ॲबॉटच्या या दुसऱ्या षटकात भारताने तब्बल १७ धावा वसूल केल्या. अभिषेक शर्माने या षटकात दोन चौकार आणि एक षटकार लगावला.
भारतीय संघाच्या डावाची सुरुवात झाली आहे. अभिषेक शर्मा आणि शुभमन गिल क्रीजवर उपस्थित आहेत. १८७ धावांचे लक्ष्य गाठण्यासाठी हे दोन्ही सलामीवीर संघाला चांगली सुरुवात करून देण्यास उत्सुक असतील.
ऑस्ट्रेलियाने २० षटकांत सहा गडी गमावून १८६ धावा केल्या. टिम डेव्हिडने ७४ धावा आणि मार्कस स्टोइनिसने ६४ धावा फटकावल्या. भारताकडून अर्शदीप सिंगने तीन विकेट घेतल्या.
तज्ज्ञांच्या मते ही खेळपट्टी २०० धावा बनवण्यासारखी होती, त्यामुळे भारतीय संघाने ऑस्ट्रेलियाला १८६ धावांवर रोखून चांगली कामगिरी केली आहे.
नेहमीप्रमाणेच, अर्शदीप सिंगने पॉवरप्लेमध्ये ट्रॅव्हिस हेड आणि जोश इंग्लिसला बाद करत भारताला महत्त्वाचे यश मिळवून दिले. कर्णधार मिचेल मार्श झगडताना दिसला, परंतु चौथ्या क्रमांकावर फलंदाजीला आलेल्या टीम डेव्हिडने जबरदस्त खेळी केली. आपल्या खेळीच्या सुरुवातीपासूनच तो चेंडूच्या लेग-साईडला राहून फटकेबाजी करत होता आणि त्याने गोलंदाजांवर अक्षरशः हल्ला चढवला. त्याचा एक फटका १२९ मीटर लांब गेला आणि त्याने थेट 'निन्जा स्टेडियम' जवळजवळ पार केले होते. एकाबजूने विकेट्स पडत असतानाही, त्याने आपला आक्रमक पवित्रा कायम ठेवला आणि तिलक वर्माने घेतलेल्या एका उत्कृष्ट झेलमुळेच त्याची खेळी संपुष्टात आली.
वरुण चक्रवर्तीविरुद्ध मिचेल मार्श आणि मिचेल ओवेन सलग चेंडूंवर बाद झाल्यानंतर ऑस्ट्रेलियाचा डाव थोडासा गडगडला होता, पण डेव्हिडने आणि त्यानंतर मार्कस स्टोइनिसने त्यांना १८६ पर्यंत पोहोचण्यास मदत केली. डेव्हिड बाद झाल्यानंतर स्टोइनिसने जबरदस्त फलंदाजी करत मॅथ्यू शॉर्टच्या साथीने ६४ जलद धावांची भर घातली.
भारताकडून अर्शदीप सिंग (तीन बळी) सर्वात यशस्वी गोलंदाज ठरला, तर वरुण आणि बुमराहनेही चांगली गोलंदाजी केली. शिवम दुबेला जोरदार मार पडला असला तरी, त्याने टीम डेव्हिडची महत्त्वाची विकेट घेतली.
ऑस्ट्रेलियाच्या संघात जोश हेझलवूड (Hazlewood) नसल्यामुळे भारतीय संघ हे लक्ष्य सहज गाठू शकेल, असा विश्वास आहे.
१९.३ व्या षटकात अर्शदीप सिंगने स्टोइनिसला बदली खेळाडू रिंकू सिंहकरवी झेलबाद केले. रिंकूने कोणतीही चूक न करता स्वच्छ झेल पकडला. ऑफ स्टंपच्या अगदी बाहेर टाकलेल्या लोअर फुल-टॉस चेंडूवर स्टोइनिसने जागेवरूनच उंच फटका मारला, पण तो थेट लॉन्ग-ऑनला उभ्या असलेल्या क्षेत्ररक्षकाकडे गेला. त्याला चेंडू क्षेत्ररक्षकापासून दूर टोलवायचा होता, पण तो यशस्वी झाला नाही. स्टोइनिसने ३९ चेंडूत, ८ चौकार, २ षटकारांसह ६४ धावा फटकावल्या.
स्टोइनिसने ३२ चेंडूत त्याचे सहावे टी२० अर्धशतक पूर्ण केले. १८ षटकांनंतर ऑस्ट्रेलियाने पाच बाद १७० धावा केल्या.
१६ षटकांनंतर ऑस्ट्रेलियाने पाच बाद १४३ धावा केल्या. स्टोइनिस ३७ धावांसह आणि शॉर्ट १३ धावांवर खेळत होते. वरुण चक्रवर्ती आणि अर्शदीप सिंग यांनी प्रत्येकी दोन बळी घेतले, तर शिवम दुबेने एक बळी घेतला. टिम डेव्हिडने ७४ धावांची धमाकेदार खेळी केली.
१३ व्या षटकात शिवम दुबेने टीम डेव्हिडला तिलक वर्माकरवी झेलबाद केले. तिलकने आणखी एक उत्कृष्ट झेल टिपला. हा झेल लॉन्ग-ऑफवर पकडला गेला. मधल्या स्टंपवर टाकलेल्या पूर्ण लांबीच्या चेंडूवर टीम डेव्हिडने पुढे येत फटका मारण्याचा प्रयत्न केला. हा फटका सपाट होता आणि सीमारेषेच्या बाहेर जात होता, पण तिलकने डावीकडे सरकत तो झेल पकडला. त्याने आपला संयम कायम ठेवला आणि त्याचे पाय सीमारेषेपासून दूर असल्याची खात्री केली. हा चेंडू षटकारात रूपांतरित होणार होता, पण तिलकने मागील सामन्याप्रमाणेच यावेळीही उत्कृष्ट जजमेंट दाखवत झेल घेतला. भन्नाट खेळी केल्यानंतर डेव्हिडला पॅव्हेलियनमध्ये परतावे लागले. डेव्हिडने ३८ चेंडूत ८ चौकार आणि ५ षटकारांसह ७४ धावा फटकावल्या.
तत्पूर्वी या षटलाच्या दुस-या आणि तिस-या चेंडूवर स्टॉईनसने सलग दोन षटकार मारले होते.
आठव्या षटकात वरुण चक्रवर्तीने कमाल केली. त्याने टीम डेव्हिड आणि मार्श यांच्यातील अर्धशतकी भागिदारी फोडली. वरुणने षटकाच्या दुस-या चेंडूवर मिचेल मार्शची विकेट घेतली. वरुणने ऑफ स्टंपवर पूर्णपणे उंच टाकलेल्या चेंडूवर मार्शने पुढे सरकत मोठा फटका मारण्याचा प्रयत्न केला. त्याने चेंडू स्लाइस केला आणि वाऱ्याच्या दिशेने फटका मारूनही तो तिलक वर्माच्या हातात गेला. तिलकने तो झेल सहज टिपला. कर्णधार मार्श आजच्या सामन्यात कधीच स्थिर दिसला नाही. अखेरीस त्याला पॅव्हेलियनमध्ये परतावे लागले. मार्शला एका चौकारासह ११(१४) धावा करता आल्या.
त्यानंतर पुढच्या चेंडूवर वरुणने मिचेल ओवेनला त्रिफळाचीत केले. ओवेनकडे या चेंडूचे कोणतेही उत्तर नव्हते. वरुणने टाकलेली ही गुगली आतल्या बाजूला वळली आणि ओवेनच्या बॅटची आतली कडा चुकवून थेट यष्ट्यांवर आदळली. ओवेन चेंडू कट करण्याचा प्रयत्न करत होता, पण बॅट आणि पॅडमध्ये मोठी फट राहिली आणि चेंडू मिडल स्टंपवर आदळला. ओवेन खातेही उघडता आले नाही.
टिम डेव्हिडने केवळ २३ चेंडूत त्याचे नववे टी२० अर्धशतक पूर्ण केले. त्याने कर्णधार मिचेल मार्शसोबत अर्धशतकी भागीदारीही केली. आठ षटकांनंतर ऑस्ट्रेलियाने २ बाद ७२ धावा केल्या. शिवम दुबेने आठवे षटक टाकले आणि १५ धावा दिल्या, ज्यामध्ये तीन चौकारांचा समावेश होता.
अर्शदीप सिंगने त्याच्या दुस-याच षटकात ऑस्ट्रेलियाला दुसरा झटका दिला. अर्शदीपचा हा चेंडू थेट डीप बॅकवर्ड स्क्वेअर लेगला उभ्या असलेल्या क्षेत्ररक्षकाच्या हातात गेला. वाऱ्याच्या विरुद्ध दिशेने फटका मारण्याच्या प्रयत्नात जोश इंग्लिसने आपली विकेट गमावली. लेग स्टंपच्या बाहेर टाकलेल्या टप्प्याच्या चेंडूवर इंग्लिसने पुल शॉट मारला, पण चेंडू थेट अक्षर पटेलच्या हातात गेला. अर्शदीप सिंगने सलग दुसऱ्या षटकात विकेट घेत आपली चमकदार कामगिरी कायम ठेवली आहे. इंग्लिसने केवळ १ (७ चेंडू) धाव काढली.
यावेळी कांगारूंची धावसंख्या १४ होती.
अर्शदीप सिंगने भारताला पहिले यश मिळवून दिले. ऑफ स्टंपच्या बाहेर टाकलेल्या लांब टप्प्याच्या चेंडूवर हेडने पुढे सरसावत टोलवण्याचा प्रयत्न केला. मात्र, चेंडू बाहेरच्या दिशेने वळल्यामुळे बॅटच्या बाहेरील कडेला लागून तो उंच हवेत गेला. सूर्यकुमार यादवने मिड-ऑफला खाली येत हा उंच झेल अचूक टिपला. अर्शदीप सिंगने आपल्या पहिल्याच षटकात विकेट घेण्याची आपली नेहमीची सवय कायम राखली. फटका मारताच हेडने खाली मान घातली होती, ज्यामुळे तो बाद झाल्याचे लगेच स्पष्ट झाले. त्याने एका चौकारासह केवळ ६ धावा केल्या.
यावेळी कांगारूंची धावसंख्या ६ होती.
भारतीय संघाने टॉस जिंकून प्रथम गोलंदाजी करण्याचा निर्णय घेतला आहे. भारतीय संघात तीन महत्त्वपूर्ण बदल करण्यात आले आहेत. संजू सॅमसन, कुलदीप यादव आणि हर्षित राणा यांच्या जागी जितेश शर्मा, वॉशिंग्टन सुंदर आणि अर्शदीप सिंग यांना अंतिम अकरामध्ये स्थान मिळाले आहे.
भारतासाठी आनंदाची बातमी अशी आहे की त्यांना जोश हेझलवूडचा सामना करावा लागणार नाही. अॅशेसच्या तयारीसाठी हेझलवूड फक्त दोन टी-२० सामन्यांसाठी उपलब्ध होता.
भारताचा संघ : शुभमन गिल, अभिषेक शर्मा, सूर्यकुमार यादव (कर्णधार), तिलक वर्मा, जितेश शर्मा (यष्टीरक्षक), शिवम दुबे, अक्षर पटेल, वॉशिंग्टन सुंदर, अर्शदीप सिंग, वरुण चक्रवर्ती, जसप्रीत बुमराह.
ऑस्ट्रेलियाचा संघ : मिचेल मार्श (कर्णधार), ट्रॅव्हिस हेड, जोश इंग्लिस (यष्टीरक्षक), टिम डेव्हिड, मिचेल ओवेन, मार्कस स्टोइनिस, मॅथ्यू शॉर्ट, शॉन अॅबॉट, झेवियर बार्टलेट, नॅथन एलिस, मॅथ्यू कुहनेमन.
भारत आणि ऑस्ट्रेलिया यांच्यातील पाच सामन्यांच्या टी-२० मालिकेतील तिसरा सामना होबार्टमधील बेलेरिव्ह ओव्हल येथे खेळला जात आहे. भारताने टॉस जिंकून प्रथम गोलंदाजी करण्याचा निर्णय घेतला.