Abhishek Sharma IND vs ENG T20 Record : भारत विरुद्ध इंग्लंड यांच्यातील ५ सामन्यांच्या T20 मालिकेतील दुसरा सामना आज मॅनचेस्टरच्या ओल्ड ट्रॅफर्ड मैदानावर खेळवला जाणार आहे. या सामन्यात टीम इंडियाचा स्टार सलामीवीर अभिषेक शर्माकडे IND vs ENG T20 मालिकेत इतिहास रचण्याची मोठी संधी असेल. अभिषेक सध्या जबरदस्त फॉर्ममध्ये आहे. इंग्लंडविरुद्धच्या पहिल्या T20 सामन्यात त्याने अवघ्या २० चेंडूंत अर्धशतक ठोकले होते. आज मॅनचेस्टरमध्येही त्याने दमदार खेळी केली, तर तो भारत विरुद्ध इंग्लंड T20 मालिकेतील 'सिक्सर किंग' बनू शकतो. सध्या या यादीत जोस बटलर पहिल्या स्थानावर आहे.
अभिषेक शर्मा अवघ्या ७ सामन्यांत २६ षटकारांसह या यादीत तिसऱ्या स्थानावर आहे. इंग्लंडचा माजी कर्णधार जोस बटलर २८ षटकारांसह पहिल्या आणि हार्दिक पंड्या २७ षटकारांसह दुसऱ्या स्थानावर आहे. बटलरने हे २८ षटकार २९ सामन्यांत मारले आहेत. तो आजच्या सामन्यातही खेळणार आहे. अशा परिस्थितीत अभिषेक शर्मा आणि त्याच्यात षटकारांची जुगलबंदी पाहायला मिळू शकते. बटलर आज अपयशी ठरला आणि अभिषेक शर्मा ३ षटकार मारण्यात यशस्वी झाला, तर हा भारतीय फलंदाज IND vs ENG T20 मालिकेत सर्वाधिक षटकार ठोकणारा फलंदाज बनेल.
जोस बटलर - २८
हार्दिक पंड्या - २७
अभिषेक शर्मा - २६
जेसन रॉय - २०
विराट कोहली - १९
अभिषेक शर्माने इंग्लंडविरुद्धच्या पहिल्या T20 सामन्यात ४ षटकार मारून आपल्या आंतरराष्ट्रीय T20 कारकिर्दीतील १०० षटकार पूर्ण केले होते. या टप्प्यापर्यंत पोहोचणारा तो जगातील सर्वात वेगवान फलंदाज ठरला आहे. तसेच १०० याहून अधिक षटकार मारणारा अभिषेक हा एकूण ५ वा भारतीय फलंदाज आहे.
भारतीय संघ: संजू सॅमसन, अभिषेक शर्मा, इशान किशन (यष्टीरक्षक), श्रेयस अय्यर (कर्णधार), तिलक वर्मा, शिवम दुबे, हर्षित राणा, अक्षर पटेल, रवी बिश्नोई, अर्शदीप सिंह, वरुण चक्रवर्ती, सूर्यांश शेडगे, प्रिन्स यादव, वॉशिंग्टन सुंदर, वैभव सूर्यवंशी, प्रसिद्ध कृष्णा.
इंग्लंड संघ: फिलिप सॉल्ट, जोस बटलर (यष्टीरक्षक), हॅरी ब्रूक (कर्णधार), जेकब बेथेल, टॉम बँटन, सॅम करन, विल जॅक्स, लियाम डॉसन, आदिल रशीद, जोफ्रा आर्चर, जोश टंग, ल्यूक वूड, साकिब महमूद, जॉर्डन कॉक्स, जेम्स कोल्स, रेहान अहमद, सोनी बेकर.