दुबई : 2024 मध्ये अमेरिका/वेस्ट इंडिज यांच्या संयुक्त यजमानपदाखाली होणार्या टी-20 वर्ल्डकप स्पर्धेचे वेध लागले आहेत. नवीन ठिकाणी होणार्या त्या टी-20 वर्ल्डकप स्पर्धेत नवीन फॉरमॅटही पाहायला मिळणार आहे. अमेरिकेत प्रथमच टी-20 वर्ल्डकप होणार आहे आणि या स्पर्धेत 20 संघ सहभाग घेणार आहेत. त्यामुळे हे दोन संघ आधीच पात्र ठरले आहेत.
त्यात 2022 च्या वर्ल्डकप स्पर्धेतील अव्वल 8 संघही पुढील स्पर्धेत थेट पात्र ठरले. त्यानुसार ऑस्ट्रेलिया, इंग्लंड, न्यूझीलंड, श्रीलंका, भारत, पाकिस्तान, दक्षिण आफ्रिका व नेदरलँड यांनी 2024 च्या वर्ल्ड कपमध्ये थेट प्रवेश मिळवला आहे. अफगाणिस्तान व बांगलादेश यांनी आयसीसी रँकिंगनुसार थेट प्रवेश पक्का केला.
जाणून घ्या नवीन फॉरमॅट
- 20 संघांचा सहभाग असलेली ही स्पर्धा बाद फेरीपूर्वी दोन टप्प्यांत खेळवली जाणार आहे.
- 2021 व 2022 च्या टी-20 वर्ल्डकप स्पर्धेत पहिला राऊंड/सुपर 12 असा फॉरमॅट होता.
- 2024 च्या वर्ल्डकप स्पर्धेत 20 संघांची चार गटांत विभागणी होणार आहे.
- या चार गटातील अव्वल दोन संघ सुपर 8 मध्ये एकमेकांशी खेळतील.
- सुपर 8 मध्ये दोन गटांत संघांची विभागणी असेल आणि दोन्ही गटांतील अव्वल दोन संघ उपांत्य फेरीत खेळतील.
लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.
'Pudhari' is excited to announce the relaunch of its Android and iOS apps. Stay updated with the latest news at your fingertips.
Android and iOS Download now and stay updated, anytime, anywhere.