सलमान खान शहनाझ गिलला नेहमीच आधार आणि पाठिंबा देत असतो. अगदी 'बिग बॉस'पासून सिद्धार्थ शुक्लाच्या निधनापर्यंत तो शहनाझच्या पाठीशी उभा असलेला दिसून आला होता. आता लवकरच शहनाझ सलमान खानचा आगामी चित्रपट 'कभी ईद कभी दिवाली'मध्ये आयुष शर्मासोबत दिसणार आहे. या चित्रपटासाठी तिने मोठी रक्कम मानधन म्हणून मागितल्याचीही चर्चा आहे. सलमानच्या चित्रपटातून ती बॉलीवूडमध्ये पदार्पण करणार असल्याची चर्चा असली तरी अद्याप तिच्याकडून याबाबत कोणतीही प्रतिक्रिया आलेली नाही.