who is pranit more 370 rupees biryani remark controversy bus conductor son bigg boss salman khan
पुढारी ऑनलाईन : स्टँडअप कॉमेडियन प्रणीत मोरे पुन्हा एकदा वादाच्या भोवऱ्यात सापडले आहेत. त्यांच्या एका स्टँडअप शोमधील गिगमुळे सोशल मीडियावर मोठी चर्चा रंगली असून, काही जणांनी त्याचे शो बंद करण्याची मागणीही केली आहे. बिग बॉस 19 मध्ये सहभागी झाल्यानंतरही त्याच्या जुन्या वादग्रस्त प्रकरणांची चर्चा झाली होती. सेलिब्रिटींना रोस्ट करून प्रसिद्धी मिळवणारा प्रणित सध्या अश्लील आणि मर्यादा ओलांडणाऱ्या विनोदांमुळे ट्रोल होत आहे.
यापूर्वीही त्यांच्या तथाकथित ‘बिलो-द-बेल्ट’ म्हणजेच अमर्यादित विनोदांवरून अभिनेता Salman Khan ने त्याची कानउघाडणी केली होती. अशा प्रकारचे विनोद टाळण्याचा सल्लाही त्याने प्रणीतला दिला होता. मात्र, लोकप्रियतेच्या शिखरावर असलेल्या प्रणीत यांनी आपली शैली बदलली नाही आणि आता पुन्हा एकदा ते वादात अडकले आहेत.
कोण आहे प्रणीत मोरे?
प्रणित मोरे हा त्याच्या स्टँडअप व्हिडिओ आणि लाइव्ह परफॉर्मन्समुळे लोकप्रिय झाला. कॉमेडी क्लब सर्किटमध्ये त्याचे व्हिडिओ मोठ्या प्रमाणावर व्हायरल झाले. त्याने यूट्यूबवर स्वतःचा मोठा चाहता वर्ग तयार केला. स्टँडअप मटेरियल आणि विविध विनोदी कंटेंटद्वारे त्याने प्रेक्षकांचे मनोरंजन केले.
मध्यमवर्गीय जीवनशैली, कौटुंबिक प्रसंग, नातेसंबंध, सामाजिक परिस्थिती आणि भारतीय जीवनशैली यांवर आधारित विनोद करणे ही त्यांची खासियत आहे. साधी मांडणी आणि प्रभावी पंचलाईन्समुळे त्याला मोठी लोकप्रियता मिळाली.
रेडिओ जॉकी ते स्टँडअप स्टार
प्रणीतने 2019 ते 2023 या काळात रेडिओ जॉकी (आरजे) म्हणून काम केले. या अनुभवामुळे त्याला प्रेक्षकांशी जोडले जाण्यास मोठी मदत झाली. त्याने अनेक पुरस्कार सोहळ्यांचे सूत्रसंचालनही केले आहे.
त्याचे ‘बाप को मत सिखा’ आणि ‘बॅक बेंचर्स’ हे स्टँडअप स्पेशल्स विशेष गाजले. सोशल मीडियावर त्याला ‘महाराष्ट्रीयन भाऊ’ म्हणूनही ओळखले जाते.
प्रसिद्धी मिळण्यापूर्वी प्रणितने अनेक बॉलिवूड कलाकारांना रोस्ट केले होते. त्यामध्ये Salman Khan याचाही समावेश होता. Bigg Boss या कार्यक्रमात सलमान खानने अनेकदा प्रणितला त्याच्यावर केलेल्या रोस्टिंगबाबत मिश्कीलपणे टोमणे मारले होते. तसेच, “स्वतःचे नाव कमवण्यासाठी इतरांना कमी लेखू नये,” असा सल्लाही त्यांनी दिला होता.
संघर्षमय बालपण
प्रणित मोरेचे बालपण मुंबईतील Mumbai येथील दादरमधील चाळीत गेले. त्याचे वडील बेस्ट बसमध्ये कंडक्टर म्हणून काम करत होते. एका अपघातात त्यांच्या पायाला दुखापत झाल्यानंतर त्यांना नोकरी सोडावी लागली.
यानंतर घराची जबाबदारी प्रणितच्या खांद्यावर आली. त्याच्या आईने टिफिन सेवा सुरू करून कुटुंबाला हातभार लावला. नंतर वडिलांनी व्यवसाय सुरू करण्याचा प्रयत्न केला, मात्र तो यशस्वी झाला नाही. त्यामुळे कुटुंबाला आपले घर आणि दुकान विकावे लागले आणि भाड्याच्या घरात राहावे लागले.
आरजे होण्यापूर्वी प्रणितने कार विक्री प्रतिनिधी (कार सेल्समन) म्हणूनही काम केले होते. मात्र, स्टँडअप कॉमेडीच्या क्षेत्रात पाऊल ठेवल्यानंतर त्याने मागे वळून पाहिले नाही आणि स्वतःची वेगळी ओळख निर्माण केली.