लोकप्रिय मराठी रिअॅलिटी शो बिग बॉस मराठी’मध्ये एक नवा ट्विस्ट आला आहे. या वर्षी १६ स्पर्धकांनी या शोमध्ये प्रवेश घेतला होता. यामध्ये पहिल्याच आठवड्याच पुरुषोत्तम दादा पाटील घरातून बाहेर पडले होते. आता दुसऱ्या आठवड्यामध्ये घरातून कोण बाहेर पडणार याची उत्कंठा सर्व प्रेक्षकांना लागून आहे. परंतु, दुसऱ्या आठवड्यात रितेश देशमुखने एक नवीन ट्विस्ट सदस्यांना सांगितला. या आठवड्यामध्ये घरातून एकदम दोन स्पर्धक बाहेर पडले आहेत.
रविवारी रंगलेल्या भाऊचा धक्का वेळी रितेश देशमुख सर्वांना धक्का देतो. तसेच सांगतो की, या आठवड्यात 'डबल एव्हिक्शन' होणार आहे. बिग बॉस मराठीच्या तिसऱ्या आठवड्यात बाहेर पडलेला स्पर्धक निखिल दामले असल्याचं रितेश जाहीर करतो आणि योगिताही डेंजर झोनमध्ये असल्याचं रितेश सांगतो.
या आठवड्यामध्ये असणाऱ्या 'डबल एव्हिक्शन' मध्ये दोन धक्के बसणार आहेत. त्यातील पहिला धक्का हा निखिल दामलेच्या बाहेर जाण्याने सर्व प्रेक्षकांना बसला आहे. तर दुसरा कोण बाहेर जाणार याची भिती सर्वांना लागून होती. यानंतर रितेश जाहीर करतो की सूरज आणि अभिजीत सुरक्षित झाले असून, योगिता चव्हाण या घरातून बाहेर जाते आहे. बाहेर आल्यानंतर तर योगिता म्हणते की, मला खेळ समजता आला नाही म्हणून मी बाहेर जात आहे.