पुढारी ऑनलाईन डेस्क : कोकण म्हणजे कलेची आणि कलाकारांची खाण. कोकणाचा सांस्कृतिक वारसा जपला जावा आणि चित्रपटाच्या माध्यमातून पर्यटनाला चालना मिळावी या उद्देश्याने 'सिंधुरत्न कलावंत मंच' स्थापन करत कोकण चित्रपट महोत्सवाची सुरुवात केली. पहिल्या कोकण चित्रपट महोत्सवाच्या यशस्वी आयोजनानंतर यंदाच्या महोत्सवासाठी 'सिंधुरत्न कलावंत मंच' सज्ज झाला आहे. यंदा या कोकण चित्रपट महोत्सवाचे दुसरे वर्ष असून सोमवार ११ डिसेंबर ते शनिवार १६ डिसेंबर दरम्यान हा महोत्सव रंगणार आहे.
संबंधित बातम्या
११ डिसेंबरला सिंधुदुर्गात महोत्सवाचा शानदार उदघाट्न सोहळा संपन्न होणार असून त्यानंतर मराठी चित्रपटांचे प्रदर्शन होईल. १२ डिसेंबरला रत्नागिरीमध्ये उदघाट्न सोहळा आणि चित्रपटांचे प्रदर्शन होईल. १३ व १४ डिसेंबरला मराठी चित्रपटांचे प्रदर्शन संपन्न होईल. १५ डिसेंबरला सिंधुदुर्गात सेमिनारचे आयोजन करण्यात आले असून या सेमिनारमध्ये कोकणातील मान्यवर कलाकार, वक्ते म्हणून सहभागी होणार आहेत. १६ डिसेंबरला बक्षिस समारंभ आणि महोत्सवाचा सांगता सोहळा संपन्न होईल.