पुढारी ऑनलाईन डेस्क - 'स्त्री २' ने दोन आठवड्यापासून बॉक्स ऑफिसवर धुमाकूळ घातला आहे. आज २९ ऑगस्ट रोजी स्त्री २ १५ व्या दिवशी किती कमाई केली आहे पाहुया. या दोन आठवड्यात स्त्री २ ने स्टार यशचा साऊथ चित्रपट केजीएफ २ च्या कमाईचा रेकॉर्ड तोडला आहे.
रिपोर्टनुसार, 'स्त्री 2' ने बॉक्स ऑफिसवर १३ व्या दिवशी ११.७५ कोटी रुपये आणि १४ व्या दिवशी ९.२५ कोटी रुपयांचा व्यवसाय केला आहे. केजीफ २ ने हिंदीमध्ये ४३४.७० कोटी रुपये आणि स्त्री २ ने ४३३ कोटी रुपयांचे नेट कलेक्शन केले आहे. स्त्री २ ने वर्ल्डवाईड ५८९ कोटी रुपयांचे ग्रॉस कलेक्शन केले आहे. घरेलू बॉक्स ऑफिसवर ग्रॉस कलेक्शन ४९८ कोटी रुपये आणि स्त्री २ च्या ओवरसीजमध्ये ग्रॉस बॉक्स ऑफिस कलेक्शन ९१ कोटी रुपये झाले आहे.
स्त्री २ हॉरर कॉमेडी चित्रपट अमर कौशिकने दिग्दर्शित केले आहे. चित्रपटात श्रद्धा कपूर, राजकुमार राव, पंकज त्रिपाठी, अभिषेक बॅनर्जी आणि अपारशक्ती खुरानाने दमदार भूमिका साकारल्या आहेत. स्त्री २ मध्ये अक्षय कुमार आणि वरुण धवनच्या कॅमियोनेदेखीस खूप धमाल केली आहे. चित्रपट स्त्री २ च्या यशानंतर आता स्त्री ३ वर काम सुरू होणार असल्याचे म्हटले जात आहे.