पुढारी ऑनलाईन डेस्क - सिंघम अगेन आणि भूलभुलैया-३ दोन्ही चित्रपट थिएटरमध्ये रिलीज झाली आहेत. हे चित्रपट प्रेक्षकांद्वारा खूप पसंतीस उतरत आहेत. आता या दोन्हींपैकी कोणता चित्रपट ओपनिंग डे ला अधिक कमाई करेल, याची उत्सुकता लागून राहिली आहे. आज कार्तिक आर्यन स्टारर भूलभुलैया-३ आणि अजय देवगन स्टाटर सिंघम अगेन चित्रपटगृहात रिलीज झाला. दोन्ही चित्रपटांचे रिव्ह्यू देखील समोर आले आहेत. दोन्ही चित्रपटांना प्रेक्षक किती दाद देतात, हे पाहणं रंजक ठरणार आहे. कारण, दोन्ही चित्रपटांची जबरदस्त क्रेज पाहायला मिळत आहे.
दुसरीकडे, हा देखील प्रश्न आहे की, पहिल्या दिवशी बॉक्स ऑफिसवर आपली जादू चालवेल. सिंघम अगेन चित्रपटात अजय देवगन आपल्या संपूर्ण टीमसोबत दिसला. यामध्ये अजय देवगन सोबत करीना कपूर मुख्य भूमिकेत आहे.
सिंघम अगेनचे ५११७९१ तिकिटांची आधीच झाली आहे. या चित्रपटाने पहिल्याच दिवशी जवळपास १५ कोटींची कमाई केली आहे. अनीस बाज्मीची हॉरर कॉमेडी चित्रपट भूलभुलैया-३ ॲडव्हान्स बुकिंगमध्ये सिंघमच्या पुढे आहे. रिलीजच्या आधी चित्रपटाने ५५२९०० तिकिटांची विक्री करत १७.०७ कोटींची दमदार कमाई केली आहे.
सिंघम अगेनमध्ये अजय देवगन, करीना कपूर खान, दीपिका पादुकोण, अक्षय कुमार, रणवीर सिंह, टायगर श्रॉफ, अर्जुन कपूर आणि सलमान खान यांच्या भूमिका आहेत. भूलभुलैया चित्रपटामध्ये कार्तिक शिवाय माधुरी दीक्षित, तृप्ती डिमरी आणि विद्या बालन यांच्या भूमिका आहेत.