अभिनेत्री प्रार्थना बेहरे हिला एका दुख:द घटनेला सामोरे जावे लागले आहे. प्रार्थनाच्या वडिलांचे नुकतेच निधन झाले आहे. एका अपघातात तिच्या वडिलांचे निधन झाले असल्याचे तिने पोस्ट शेयर करत सांगितले आहे. आपल्या पोस्टमध्ये ती पुढे म्हणते, ‘“मर के भी किसी को याद आएंगे
किसी के आंसुओं में मुस्कुराएंगे
कहेगा फूल हर कली से बार बार
जीना इसी का नाम है “
माझे बाबा .... ❤️
१४ ऑक्टोबर रोजी त्यांचे निधन दुर्दैवाने एका road अपघातात झाले” (Latest Entertainment News)
पुढे ती आपल्या भावनांना वाट करून देताना म्हणते, बाबा ....... तुमच्या जाण्यानंतर आयुष्य जणू थांबल्यासारखं वाटतंय ,
तुमचं हास्य अजूनही आमच्या कानात गुंजतं, तुमचा आत्मविश्वास आमच्या मनाला बळ देतो, आणि तुमचं जीवन पाहून आम्हाला शिकायला मिळालं की आनंद म्हणजे परिस्थिती नव्हे, तर दृष्टिकोन असतो.
तुमचा प्रामाणिकपणा, सेवाभाव आणि लोकांप्रती असलेलं निस्सीम प्रेम आम्हाला माणुसकीचं खरं मूल्य शिकवून गेलं.
तुम्ही आम्हाला शिकवलंत की इतरांना मदत करणे हेच खरं समाधान आहे. आज तुम्ही आमच्यासोबत नसला तरी तुमचा आवाज आणि गाणी आम्हाला सतत बळ देतात.
वडिलांच्या अचानक जाण्याचा प्रार्थनाला चांगलाच धक्का बसला आहे. 'याबाबत बोलताना ती म्हणते, तुमची अचानक झालेली exit, मनाला भयंकर लागली आहे. काल परवा पर्यंत सगळ अलबेल होतं. तुमच्या अकाली जाण्याने आम्ही सगळेच खुप दुखावलो आहोत. प्रत्येक क्षणी तुमची आठवण येतच रहाणार आहे.
पण या सगळ्या घटनेला वेगळ्या दृष्टीने पाहीलं तर, तुम्ही अधिक प्रत्येकाच्या जवळ रहाणार आहात. कारण तुम्ही स्मरणात रहाणार. प्रत्येक वेळी प्रत्येक क्षणी, आम्ही आमच्या मनाला वाटेल तेव्हा, तुमच्याशी संवाद साधू शकतोय.
तुम्हाला आजपर्यंत अभिमान वाटेल अशीच कामगिरी मी करत आली आहे. आता अधिक जोमाने कामाला सुरुवात करणार आहे.
तुम्ही जिथे कुठे असाल, तुम्हाला माझ्या अप्रतिम कामाने श्रध्दांजली अर्पण करत रहाणं, हे माझं कर्तव्य आहे.
डोळ्यातलं पाणी कधीच तुम्हाला दिसू नये याची काळजी घेईन. कारण मलाही तुम्हाला धूसर पहायचं नाही. तुमचं ओठावरचं हसू, मनात घर करून राहीलं आहे. तेच टिकवण्याची जबाबदारी मी घेणार आहे.
काळजी करू नका... मी खुप strong आहे. कारण माझ्या पाठीशी नाही तर, तुम्ही सोबत आहात याची खात्री आहे.
I LOVE YOU BABA , MISS YOU FOREVER
तुमची Tumpa
प्रार्थनाच्या या पोस्टवर इतर कलाकार मित्र मैत्रिणींनी श्रद्धांजली व्यक्त केली आहे. अभिनेता भूषण प्रधान या पोस्टच्या कमेंटमध्ये म्हणतो, ‘ काका.. तुमचं मिश्किल हसणं, बिनधास्त जगणं सगळ्यांशी आपलेपणाने वागणं आणि मन मोकळेपणाने गाणं, कायम स्मरणात राहील. जरी आपल्या खूप कमी भेटी झाल्या असल्या तरीही भेटलो तेव्हा तुम्ही मला कायम माझ्या कुटुंबातीलच एक भाग वाटत आला आहात. टुंपाचा-तुमचा परिवार, मित्रपरिवार खूप मोठा आहे… तरीही कायम टुंपाच्या सोबत असेन. Thank you for all the sweet memories, Kaka ❤️🩹’
प्रार्थना सध्या कलर्स मराठी वाहिनीवरील ‘बाईपण जिंदाबाद!’ या शोतील असिस्टंट माझी लाडकी या भागातून प्रेक्षकांच्या भेटीला येते आहे. या मालिकेत तिच्यासोबत सुकन्या मोनेही दिसणार आहे.