पुढारी ऑनलाईन डेस्क : टीव्हीवरील नवे लक्ष्य (Nave Lakshy) मालिकेतील युनिट ९ नवनव्या गुन्ह्यांचा शोध तपास करत असतात. यावेळी युनिट ९ च्या टीमला जाबाज पोलिसांची साथ मिळणार आहे. फुलाला सुगंध मातीचा मालिकेतील एएसपी कीर्ती, लग्नाची बेडी मालिकेतील एसपी राघव आणि अबोली मालिकेतील सीनियर पीआय अंकुश एका सेक्स स्कॅण्डलच्या तपासासाठी युनिट ९ च्या टीमची साथ देणार आहेत. निष्पाप मुलींना फसवणाऱ्या गुन्हेगारांचा नायनाट करण्यासाठी हे पोलिस अधिकारी एकत्र आले आहेत. (Nave Lakshy)
आतापर्यंत या पोलिस अधिकाऱ्यांना आपण त्यांच्या मालिकांमध्ये गुन्ह्यांचा तपास करताना पाहिलं आहे. मात्र, नवे लक्ष्य मालिकेच्या निमित्ताने हे सगळे पहिल्यांदाच एकत्र आले आहेत. त्यामुळे महाएपिसोडची रंगत वाढणार हे नक्की.