१९४२ च्या 'छोडो भारत' (Quit India) आंदोलनादरम्यान साताऱ्यात ब्रिटिशांविरुद्ध पुकारलेला बंड, समांतर लोकसरकारची स्थापना आणि क्रांतिकारकांचा लढा पत्री सरकार १९४२ या चित्रपटात पाहायला मिळणार आहे. या चित्रपटाचे लेखन व दिग्दर्शन मनीष अनसुरकर यांनी केले आहे. तर निर्मिती 'भागीरथी मोशन पिक्चर्स'च्या बॅनरखाली विशाल गोविंदराव जाधव यांनी केली आहे.
चित्रपटात अभिनेता अनिल राबाडे यांनी क्रांतीसिंह नाना पाटील यांची मुख्य भूमिका साकारली आहे. याशिवाय अनुराधा धामणे, सिद्धार्थ बाडी, शुभम गवई, रश्मी साळवी आणि तृप्ती शेडगे यांच्या प्रमुख भूमिका असून अभिनेता अंकित मोहनची यामध्ये विशेष भूमिका आहे.
चित्रपटाचे पार्श्वसंगीत सौरभ लता शिवकुमार यांचे असून, विशाल जाधव, गोरख गुंजाळ, अनन्या नाईक आणि आनंद मेनन यांनी गाणी गायली आहेत.
हा बहुचर्चित ऐतिहासिक चित्रपट आगामी २० नोव्हेंबर २०२६ रोजी चित्रपटगृहांमध्ये प्रदर्शित होत आहे. या चित्रपटाचा कथा विस्तार अभिनेता उपेंद्र लिमये यांच्या धारदार आवाजातून उलगडत जातो.
भारतीय स्वातंत्र्य लढ्यात इंग्रजी हुकूमत विरोधात समांतर प्रतिसरकार उभारणारे थोर स्वातंत्र्य सेनानी क्रांतिसिंह नाना पाटील यांच्या ऐतिहासिक पर्वावर आधारित हा चित्रपट आहे. भागीरथ मोशन पिक्चर्स बॅनरखाली तयार झालेला पत्री सरकार १९४२ येत्या २० नोव्हेंबरपासून प्रदर्शित होणार आहे.