पुढारी ऑनलाईन डेस्क : अनंत अंबानी आणि राधिका मर्चेंटचे लग्न आज १२ जुलै रोजी मुंबईत आहे. देश-परदेशातील दिग्गज या शाही लग्नात उपस्थित असतील. त्यासाठी खूप खास नियोजन करण्यात आले आहे.
सात फेरे घेण्याआधी अनंत अंबानी आणि राधिका मर्चेंटसाठी गुरुवारी एंटीलियामध्ये खास शिव पूजा ठेवण्यात आली होती. यामध्ये बॉलीवूडच्या तमाम बडे स्टार्स सहभागी झाले. अनंत अंबानी आणि राधिका मर्चेंटच्या लग्नाची चर्चा संपूर्ण जगभरात होत आहे. सूत्रांच्या माहितीनुसार, हे लग्न जगभरातील महाग लग्नांपैकी एक असेल.
अनंत अंबानी - राधिका मर्चेंट आज विवाह बंधनात अडकणार आहेत. देश-परदेशातील पाहुणे या लग्नात सहभागी होतील. अनंत आणि राधिकाचा साखरपुडा मागील वर्षी झाला होता. त्यानंतर यावर्षी दोन प्री-वेडिंग फंक्शन झाले.
पुजेदरम्यान, नीता अंबानी यांनी ब्ल्यू-ग्रीन कलर कॉम्बिनेशन लेहेंगा परिधान केला होता. नीता अंबानी इतक्या सुंदर दिसत होत्या की, त्यांच्यासमोर होणारी सून राधिका मर्चेंटही मागे पडली.
नीता अंबानी यांच्या लहेंग्याच्या बॉर्डरवर जिगजॅग लाईनमध्ये एम्ब्रॉयडरी केली होती. पण, त्यांनी परिधान केलेले ब्लाऊज खास ठरले. नीता यांनी सोन्याचे ब्लाऊज परिधान केले होते. चंदन हार आणि चांदीच्या धाग्यांनी बनवलेले हे ब्लाऊज होते. अबू जानी संदीप खोसलाचा हेवी एम्ब्रॉयडरी लहंगा चोली परिधान करून नीता अंबानी पुजेत पोहोचल्या.