बहुचर्चित हॉरर कॉमेडी चित्रपट 'भूलभुलैया ३' या सिनेमाची सध्या चर्चा सुरू आहे. १ नोव्हेंबर रोजी प्रदर्शित होणाऱ्या या चित्रपटात अभिनेता कार्तिक आर्यनसह अभिनेत्री माधुरी दीक्षित, विद्या बालन आणि तृप्ती डिमरी या तीन लोकप्रिय अभिनेत्री या चित्रपटात महत्त्वपूर्ण भूमिकेत दिसणार आहेत. शिवाय राजपाल यादव, संजय मिश्रा आणि विजय राजही झळकणार आहेत.
सध्या 'भूलभुलैया-३' या चित्रपटाचे जोरदार प्रमोशन सुरू आहे. नुकतेच या चित्रपटाच्या प्रमोशनसाठी कार्तिक आणि माधुरी दीक्षित लखनौला गेले होते. यावेळी एका मॉलमध्ये दोघे 'भूलभुलैया- ३' या चित्रपटाचे प्रमोशन करताना बघायला मिळाले. यावेळी चाहत्यांनी खूपच गर्दी केली होती. याचे व्हिडीओ सध्या सोशल मीडियावर खूप व्हायरल होत आहेत. यातील माधुरी आणि कार्तिकच्या डान्स व्हिडीओने सर्वांचे लक्ष वेधून घेतले आहे. प्रमोशनदरम्यान माधुरी आणि कार्तिकने आमी जे तोमार ३.० या 'भूलभुलैया- ३' सिनेमातील शीर्षकगीतावर जबरदस्त डान्स केला.