पुढारी ऑनलाईन डेस्क : यूट्यूबर अरमान मलिक नुकतेच त्याच्या दोन्ही पत्नी पायल मलिक आणि कृतिका मलिका याच्यासोबत बिग बॉस ओटीटी ३ या शोमध्ये सहभागी झाला आहे. या शोदरम्यान अरमान आणि दोन्ही पत्नींना त्याच्या आयुष्याबदद्लच्या अनेक रंजक गोष्टी विचारण्यात आल्या. यावेळी कृतिकाने नुकतेच झालेल्या अरमानसोबत लग्नाबद्दल सर्वांनाच आश्चर्याचा धक्का बसला असा खुलासा केला आहे. तिने केलेल्या व्यक्तव्यामुळे अरमानसह कृतिका चर्चेचा विषय बनली आहे.
छोट्या पडद्यावरील बिग बॉस ओटीटी सीझन ३ च्या प्रीमियरमध्ये यूट्यूबर अरमान मलिक त्याच्या दोन्ही पत्नीसोबत पोहोचला होता. या शोमध्ये तिघांनाही त्याच्या वैयक्तीक आयुष्याबद्दल अनेक रंजक गोष्टीचा खुलासा केला. याआधीही अरमानची पहिली पत्नी पायल ही कृतिका आणि अरमानच्या लग्नाबद्दल अनेक वेळा दु:ख व्यक्त करताना दिसली होती. आता त्याची दुसरी पत्नी कृतिका मलिकने स्वत: च्या लग्नाबद्दल धक्कादायक खुलासा केला आहे. यावेळी केलेल्या व्यक्तव्याने ती खूपच चर्चेत आली आहे.
या शोमध्ये कृतिका अरमान मलिक याचा टॉवेल वापरताना दिसली. यावर पोलोमी दासने कृतिकाला विचारले की, 'तू पतीचा टॉवेल वापरतेस', 'तुला तुझा टॉवेल नाही?', 'तुम्ही एकमेकांचे टॉवेल वापरतात काय?' असे प्रश्न विचारते. यावेळी कृतिका सडेतोड उत्तर देताना म्हणते की, 'अरे मी दुसऱ्याचा नवरा वापरत आहे तर, ही टॉवेल काय गोष्ट आहे.' यानंतर ती पुढे ती स्वत:चीच आता बेईज्जत करून घेण्यासाऱखा प्रकार आहे असेही म्हणते. कृतिकाचे हे बोलणे ऐकूण पोलोमी दास गप्प बसते. आणि अरमान मलिक एकटक तिच्याकडे पाहत राहतो. ही माहिती सोशल मीडियावर जोरदार रंगली आहे. यामुळे कृतिका हिला नेटकऱ्यांनी चांगलेच धारेवर धरले आहे.
अरमानने पहिली पत्नी पायल मलिकसोबत घटस्फोट न घेताच कृतिकाशी दुसरं लग्न केलं आहे. पायलला दोन मुले आणि एक मुलगी आहे. तर कृतिकाला एक मुलगा आहे. विशेष म्हणजे, अरमान मलिक, कृतिका आणि पायल हे एकाच घरात राहतात. या लग्नानंतर पायलने अनेक वेळा सोशल मीडियावर आपलं दुख व्यक्त केलं होतं.