पुढारी ऑनलाईन डेस्क : कृष्णा श्रॉफ ही बॉस लेडी म्हणून ओळखली जाते. "खतरों के खिलाडी १४' मधून तिच्या टेलिव्हिजन पदार्पणाने चर्चांना उधाण आलं होतं. शोमध्ये आधीच तिने तिची जागा मिळवली आहे. पहिल्या एपिसोडमध्ये तिने तिचा पहिला स्टंट फक्त ६ मिनिटे २३ सेकंदात पूर्ण केला. लष्करी दर्जाच्या विमानाच्या मागून ध्वज गोळा करण्याचे आव्हान होते आणि वाऱ्याचा प्रचंड दाब असूनही कृष्णाने तो स्टंट पूर्ण केला.
शो प्रीमियर होण्यापूर्वी कृष्णाने सोशल मीडियावर होस्ट रोहित शेट्टीचे आभार व्यक्त केले. तिने लिहिले, “पहिला रिॲलिटी शो, पहिला टीव्ही स्टंट, @itsrohitshetty सह पहिला प्रोजेक्ट. रोहित सरांनी मला प्रोत्साहन दिल्याशिवाय मला मार्गदर्शन केल्याशिवाय आणि माझ्यावर विश्वास ठेवल्यामुळे मी सक्षम असल्याच्या कळतंय ! ही हृदयस्पर्शी नोट लिहिताना तिने होस्टसोबत काही फोटो शेअर केले.
कृष्णा सुमोना चक्रवर्ती, गश्मीर महाजनी, करण वीर मेहरा, असीम रियाझ, शालिन भानोत, निमृत कौर अहलुवालिया आणि इतर स्पर्धकांशी कृष्णा स्पर्धा करणार आहे. एक उद्योजिका आणि आता एक टीव्ही स्टार म्हणून, कृष्णा श्रॉफ येणारे प्रत्येक आव्हान जिंकण्यासाठी सज्ज आहे.