थलपती विजयच्या 'जन नायकन'ने पहिल्या विकेंडमध्ये विक्रमी कमाई केल्यानंतर सोमवारी घसरण पाहयला मिळाली. पाचव्या दिवशी चित्रपटाने सुमारे १०.१५ कोटींची कमाई केली असून, भारतातील एकूण नेट कलेक्शन सुमारे १५७.७ कोटींवर पोहोचले आहे. जागतिक स्तरावरही चित्रपटाने२०० कोटींपेक्षा अधिक कमाई केली असून त्याची बॉक्स ऑफिसवरील पकड कायम आहे.
Jana Nayagan Box Office collection updtes
थलपती विजय यांच्या जन नायकन रिलीज नंतर पहिल्या सोमवारच्या कमाईचा आकडा समोर आला आहे. राजकारणात पाऊल ठेवण्याआधी अखेरचा चित्रपट जन नायकनमध्ये विजय यांनी काम केलं. हा चित्रपट २३ जुलै रोजी रिलीज झाला. आता रिलीजच्या पाचव्या दिवशी निराशाजनक कमाईचे आकडे समोर आले आहेत.
पाचव्या दिवशी ‘जन नायकन’च्या कमाईत घट
पहिल्या दिवशी चित्रपटाने ४२.७ कोटी रुपयांचे नेट कलेक्शन केले होते. दुसऱ्या दिवशी २१.१५ कोटी आणि तिसऱ्या दिवशी २८.९० कोटी रुपयांचा नेट गल्ला जमवला. आता पाचव्या दिवशीचे निराशाजनक आकडे समोर आलेले आहेत.
मीडिया रिपोर्टनुसार, चित्रपटाच्या पाचव्या दिवशी ‘जन नायकन’ने देशात १० हजार ४३६ शो मधून १०.१५ कोटी रुपयांची नेट कमाई केलीय. भारतातील ग्रॉस कलेक्शन १५७.७४ कोटी रुपये झाले आहे. एकूण भारतातील नेट कलेक्शन १३४.९० कोटी रुपयांपर्यंत पोहोचले आहे. तमिळ भाषेतील चित्रपटाने चांगली कमाई केली आहे.
परदेशात किती कमाई?
परदेशात पाचव्या दिवशी केवळ ४ कोटी रुपयांचे ग्रॉस कलेक्शन केलं. एकूण ग्रॉस कलेक्शन ७५.५० कोटी रुपये. तर एकूण वर्ल्डवाईड ग्रॉस कलेक्शन २३३.२४ कोटी रुपयांपर्यंत पोहोचली आहे.
केव्हीएन प्रोडक्शन्स बॅनर अंतर्गत वेंकट के. नारायणन यांची निर्मिती असलेल्या चित्रपटात पूजा हेगडे, ममिता बैजू, नासिर, प्रकाश राज, गौतम वासुदेव मेनन, नारायण आणि प्रियामणि यांच्या भूमिका आहेत. चित्रपटाचे दिग्दर्शन एच. विनोथ यांनी केलं आहे.