अमृतसर : हिमाचल प्रदेशच्या मंडी येथील भाजप खासदार तसेच अभिनेत्री कंगना रणौत यांच्या आगामी 'इमर्जन्सी' हा चित्रपट प्रदर्शनापूर्वीच वादाच्या भोवऱ्यात सापडला आहे. हा चित्रपट माजी पंतप्रधान इंदिरा गांधी यांच्यावर आधारित आहे. सहा सप्टेंबरला तो प्रदर्शित होणार आहे. पंजाबातील अपक्ष खासदार सरबजित सिंग खालसा यांनी चित्रपटाच्या ट्रेलरमधील दृश्यांना हरकत घेतली असून त्यात शिखांचे चुकीच्या पद्धतीने चित्रण करण्यात आल्याचे म्हटले आहे.