‘डॉन ३’ चित्रपटावरून सुरू झालेला रणवीर सिंह आणि निर्मात्यांमधील वाद आता न्यायालयात पोहोचला आहे. अनुभवी निर्माते टी.पी. अगरवाल यांनी FWICE ने जारी केलेल्या ‘असहकार’ आदेशाला आव्हान दिले असून कोणत्याही संघटनेला एखाद्या कलाकाराविरोधात असा आदेश देण्याचा अधिकार नसल्याचा दावा केला आहे. दरम्यान, फरहान अख्तर यांनी रणवीरच्या माघारीमुळे ४५ कोटी रुपयांचे नुकसान झाल्याची तक्रार केल्याचे समोर आले असून न्यायालयाने FWICE आणि IMPPA ला नोटीस बजावली आहे.
Don 3 controversy Producer challenges FWICE’s directive against Ranveer Singh
'डॉन ३' चित्रपटावरून सुरू असलेला अभिनेता रणवीर सिंह आणि निर्मात्यांमधील वाद आता कायदेशीर वळणावर पोहोचला आहे. अनुभवी निर्माते टी.पी. अगरवाल यांनी FWICE ने रणवीर विरोधात काढलेल्या 'असहकार' (Non-cooperation) आदेशाला मुंबई न्यायालयात आव्हान दिले आहे. अगरवाल यांच्या मते, कोणत्याही चित्रपट संघटनेला एखाद्या व्यक्तीसोबत काम करण्यापासून रोखण्याचा कायदेशीर अधिकार नाही.
हा वाद तेव्हा सुरू झाला जेव्हा फरहान अख्तरने रणवीरने 'डॉन ३' मधून माघार घेतल्यामुळे ४५ कोटींचे नुकसान झाल्याची तक्रार केली होती. आता न्यायालयाने याप्रकरणी FWICE आणि IMPPA ला नोटीस बजावली आहे.
ज्येष्ठ निर्माते टी.पी. अग्रवाल यांनी मुंबईतील एका न्यायालयात धाव घेतली असून, 'फेडरेशन ऑफ वेस्टर्न इंडिया सिने एम्प्लॉईज' (FWICE) ने रणवीर सिंह विरोधात जारी केलेल्या 'असहकार' निर्देशांना आव्हान दिले आहे.
मीडिया रिपोर्टनुसार, अग्रवाल यांनी दिंडोशी येथील मुंबई दिवाणी न्यायालयात एक याचिका दाखल केलीय. जे निर्देश आहेत, त्याच्या कायदेशीर वैधतेवर त्यांनी प्रश्नचिन्ह उपस्थित केले आहेत.
निर्माते अग्रवाल यांनी याचिकेत असा युक्तिवाद केला आहे की, कोणत्याही उद्योग संस्थेला किंवा संघटनेला, एखाद्या व्यक्तीला विशिष्ट दुसऱ्या व्यक्तीसोबत काम करण्यापासून रोखण्याचा अधिकार नाही. त्यानंतर न्यायालयाने FWICE आणि IMPPA यांना नोटिसा बजावल्याची माहिती समोर आलीय.
ते म्हणाले की, चित्रपट क्षेत्र हे एकमेकांच्या मदतीने आणि सहकार्याने चालते. एखाद्या व्यक्तीला काम करण्यापासून रोखणे किंवा त्यांच्यावर बंदी घालणे चुकीचे आहे. यामुळे लोकांच्या पोटापाण्यावर (उपजीविकेवर) आणि त्यांच्या नवीन काहीतरी घडवण्याच्या स्वातंत्र्यावर वाईट परिणाम होऊ शकतो. अशा प्रकारच्या वादांचा निपटारा करताना तो सर्वांसाठी खुला, प्रामाणिक आणि कायद्याला धरून असावा.
कोणत्या गोष्टीमुळे निर्माण झाला वाद?
हा सर्व प्रकार तेव्हा सुरू झाला जेव्हा अभिनेता रणवीर सिंहने 'डॉन ३' चित्रपटातून बाहेर पडण्याचा निर्णय घेतला. यामुळे निर्माता फरहान अख्तरचे सुमारे ४५ कोटी रुपयांचे नुकसान झाले, अशी तक्रार करण्यात आली होती. त्यानंतर FWICE या संघटनेने रणवीरसोबत 'असहकार' (Non-cooperation) करण्याचा आदेश दिला होता, ज्याला आता निर्माते अग्रवाल यांनी न्यायालयात आव्हान दिले आहे.