पुढारी ऑनलाईन डेस्क : 'बिग-बॉस मराठी' या रियारॅटी शोचे सुत्रसंचालन रितेश देशमुख यांनी अगदी दिमादार पद्धतीने केल्याने व जनमानसात आपला ठसा उमटवलेल्या सदस्यांना या 'रियारॅटी शो' मध्ये घेतल्याने 'बिग बॉस मराठी'ला लोकांनी चांगलेच उचलून धरले. 'बिग- बॉस'ची टॉफी कोण घेणार? यामध्ये चाहत्यांना धाकधूक लागली असतानाच 'गुलीगत पॅटन'ने सुरज चव्हाणने ७० दिवसाच्या प्रदीर्घ प्रतिक्षेनंतर बिग-बॉसच्या टॉफीवर आपले नाव कोरले.
रिल्सच्या माध्यमातून चाहत्यामध्ये आपले वेगळे वलय निर्माण करणाऱ्या सुरजला 'बिग-बॉस मराठी'मध्ये संधी मिळाली. या संधीचे सोने करत तो 'बिग-बॉस'चा विजेता ठरला. बारामतीच्या एका छोट्याशा गावातील सुरजने सुरूवातीला बिग-बॉसमध्ये येण्यास नकार दिला. मात्र नंतर बिग-बॉसच्या टीमने त्याची समजूत काढल्यानंतर तो या शोमध्ये यायला तयार झाला. सीजन-५ मध्ये सुरज आणि अभिजीतमध्ये सामना रंगला असताना केदार शिंदे यांनी 'झापूक-झुपुक' हा चित्रपट आपण करणार असून यामध्ये 'सुरज चव्हाण' या चित्रपटाचा नायक असल्याचे सांगितल्याने आपला सर्वाचा लाडका सुरज आता मोठ्या पडद्यावर झळकणार आहे.