पुढारी ऑनलाईन डेस्क - बिग बॉस मराठी सीझन ५ चा सदस्य आणि विनोदी अभिनेता पंढरीनाथ कांबळेला घराबाहेर जावं लागलं. खूप भावूक होत पंढरीनाथला या शोतून बाहेर पडावं लागलं होतं. आतापर्यंतच्या प्रत्येक गेममध्ये पंढरीनाथने चांगला खेळ खेळला. या आठवड्यात ‘बिग बॉस मराठी’च्या घरातील सर्वच सदस्य नॉमिनेट होते.
निक्की, सूरज या सदस्यांना सेफ करण्यात आलं होतं. पण अंतिम टप्प्यात या आठवड्यात घरातून कोणता ना कोणता तरी सदस्य बाहेर पडणार होता. शेवटी कोकणकन्या अंकिता वालावलकर आणि पंढरीनाथ कांबळे (पॅडी) या दोन स्पर्धकांमध्ये खेळ रंगला. ‘बिग बॉस’ने अंकिताला सेफ केलं. तर पंढरीनाथ कांबळेला या शोतून बाहेर जावं लागलं.
‘बिग बॉस मराठी’ सीझन ५ मधून निरोप घेताना पंढरीनाथ कांबळे खूप भावूक झाला. तो म्हणाला, ''बिग बॉस मराठीच्या घरातील प्रवासाबद्दल मी आनंदी आहे. आता मी बाहेर पडल. पण अजिबात वाईट वाटत नाही आहे. मी कोणाला दुखावलेल नाही, याचा आनंद आहे. प्रत्येक वेळी मी माझे मुद्दे स्पष्ट मांडले आहेत. प्रत्येक सदस्याचा आदर केला आहे.''