पुढारी ऑनलाईन डेस्क - वरुण धवनचा आगामी बहुप्रतीक्षित ॲक्शन-थ्रिलर चित्रपट बेबी जॉनचे मोशन पोस्टर रिलीज झाले आहे. दिवालीच्या या शुभ दिनी निर्मात्यांनी फॅन्सना मोठे सरप्राईज दिले आहे. वरुण धवनचा आगामी चित्रपट 'बेबी जॉन' बद्दल फॅन्समध्ये खूप एक्सायटमेंट आहे. 'बेबी जॉन'चे नवे मोशन पोस्टर समोर आले आहे. सोबतच निर्मात्यांनी चित्रपटाच्या टीजर रिलीज डेटची घोषणा देखील केली आहे.
'बेबी जॉन' च्या नव्या पोस्टरमध्ये वरुण धवन भयानक अवतारात दिसत आहे. रक्ताने माखलेल्या कुऱ्हाडीमध्ये वरुण धवनचा संतापजनक अवतार स्पष्ट दिसत आहे. वरुणने चित्रपटाचे पोस्टर शेअर करत सांगितले की, 'बेबी जॉन'चे टीजर थिएटर्समध्ये रिलीज होईल.
वरुण धवनने लिहिलं- 'काय तुम्ही तयार आहात? 'बेबी जॉन' एक्सक्लुझिव्ह, 'बेबी जॉन' टेस्टर कट पाहणे विसरु नका. केवळ १ नोव्हेंबरपासून चित्रपटगृहात.'