अजय देवगण आता आणखी एका सिक्वेल सिनेमात दिसणार आहे. मागच्या वेळी तो सन ऑफ सरदार 2 हा सिनेमा घेऊन आला होता. पण आता अजय आणखी एक धमाकेदार सिनेमा घेऊन येण्यासाठी सज्ज झाला आहे. अजय देवगणने त्याच्या आगामी दे दे प्यार दे 2 चे मोशन पोस्टर शेयर केले आहे. तसेच त्याने या पोस्टरसोबत सिनेमाच्या रिलीजची तारीखही शेयर केली आहे.
अर्थात या सिनेमात अजय लग्नासाठी रकुलच्या आई वडिलांची परवानगी घेण्यासाठी धडपडताना दिसणार आहे. (Latest Entertainment news)
अजय या पोस्टच्या कॅप्शनमध्ये म्हणतो, दे दे प्यार दे चा सिक्वेल खूप महत्त्वाचा आहे. आशिषला मिळेल का आयेशाच्या आई वडिलांची परवानगी? प्रेम विरुद्ध कुटुंब. दे दे प्यार दे 2 हा सिनेमा 14 नोव्हेंबर 2025 ला रिलीज होते आहे. या सिनेमात आर माधवन आणि मिजान जाफरी देखील मुख्य भूमिकेत आहेत. या सिनेमाचा पहिला भाग 2019 मध्ये रिलीज झाला आहे. या सिनेमाला दर्शक आणि समीक्षकांचे चांगले कौतुक मिळाले. या सिनेमात रकुल आहेच. याशिवाय तिच्या वडिलांच्या भूमिकेत आर माधवन दिसणार आहे. अंशूल शर्मा या सिनेमाचे दिग्दर्शन करणार आहेत.
या सिनेमाच्या प्रीक्वेलमध्ये तब्बूची महत्त्वाची भूमिका होती. तसेच जावेद जाफरी, जिमी शेरगिल यांचीही महत्त्वाची भूमिका होती. या सिक्वेलमध्ये अजय आणि रकुलसह आर माधवन, मिजान जाफरी, गौतमी कपूर, इशिता दत्ता आणि जावेद जाफरी मुख्य भूमिकेत आहेत.