पुणे; पुढारी वृत्तसेवा : जळगाव-भुसावळ विभागात ब्लॉक घेऊन तिसरा रेल्वेमार्ग आणि यार्ड रिमॉडेलिंगशी संबंधित आवश्यक तांत्रिक कामे केली जात आहेत. त्यामुळे 12 आणि 14 ऑगस्टला सुटणारी कोल्हापूर-गोंदिया महाराष्ट्र एक्स्प्रेस (गाडी क्रमांक 11039), 13 ऑगस्टला सुटणारी नागपूर-पुणे एक्स्प्रेस (12114), जबलपूर-पुणे एक्स्प्रेस (02132) रद्द करण्यात आली आहे. तर 14 ऑगस्टला सुटणारी पुणे-नागपूर (12113), पुणे-जबलपूर (02131), नागपूर-पुणे (12136), गोंदिया-कोल्हापूर (11040 ) तसेच 15 ऑगस्टला सुटणारी पुणे-नागपूर एक्स्प्रेस (12135) सुध्दा रद्द करण्यात येणार आहे. तसेच, 16 ऑगस्टला सुटणारी गोंदिया-कोल्हापूर महाराष्ट्र एक्स्प्रेसही (11040) रद्द असणार आहे, अशी माहिती रेल्वे प्रशासनाने दिली.
या गाड्यांच्या मार्गात बदल…
- 14 ऑगस्टला सुटणारी पुणे-हावडा आझाद हिंद एक्स्प्रेस (गाडी क्रमांक 12221) आणि हावडा-पुणे (12129) लोणावळा-पनवेल-वसईरोड-उधना-जळगाव या परिवर्तित मार्गाने धावेल.
- 14 ऑगस्टला सुटणारी पुणे-जम्मूतावी झेलम एक्स्प्रेस (11077), पुणे-दानापूर एक्स्प्रेस (12149), वास्को-हजरत निजामुद्दीन गोवा एक्स्प्रेस (12779) लोणावळा-वसईरोड-उधना-जळगाव या परिवर्तितमार्गे धावेल.
- 13 ऑगस्टला सुटणारी दानापूर-पुणे एक्स्प्रेस (12150), जसिडीह-पुणे एक्स्प्रेस (11428 ), हावडा-पुणे आझाद हिंद एक्स्प्रेस (12130) जळगाव- वसईरोड-लोणावळा या परिवर्तितमार्गे धावेल.
- 13 ऑगस्टला सुटणारी जम्मूतवी-पुणे झेलम एक्स्प्रेस (11078) जळगाव-वसईरोड-कल्याण-लोणावळा या परिवर्तितमार्गे धावेल.
- 14 ऑगस्टला निघणारी हजरत निजामुद्दीन-म्हैसूर एक्स्प्रेस (12782) इटारसी-नागपूर-बल्लारशाह या परिवर्तितमार्गे धावेल.
लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.
'Pudhari' is excited to announce the relaunch of its Android and iOS apps. Stay updated with the latest news at your fingertips.
Android and iOS Download now and stay updated, anytime, anywhere.