चिनी : भारतात सगळं शांत आहे. तिकडे जाऊन चिनी मातीची भांडी तरी विकता येतात का बघू? हे इराणी लोक काही युद्ध थांबवायचं नाव घेत नाहीत.
अमेरिकी : चिन्या, हे बघ. इराणी लोक आता ऐकणारे नाहीत. तेलाचे वांदे केलेत त्याने तुमचे-आमचे. यांना आम्हीच उठवून बसवलं; पण हे आता आम्हाला उत्तरं देत बसणार. आम्ही हल्ले चढवणार. आम्ही पण नाही ऐकणार. तू आपला ‘हिंदी-चिनी भाई भाई’ करत राहा. भारत दत्तक घेईल तुला.
चिनी : तुमचं काय जातं. आम्ही ऐंशी टक्के इराणवर अवलंबून. आमच्या वस्तू इराणमध्ये जास्त विकल्या जातात. त्या कोण घेणार? तुम्ही त्याच्या म्होरक्याला घालवलात. भारताने चिनी वस्तूंवर बंदी आणली.
अमेरिकी : ग्रहण लागलं तुम्हाला. उद्या जगाच्या नकाशावरून तुम्ही गायब. इराणसोबत तुम्ही पण आमच्या लिस्टवर आहात.
चिनी : बाप रे! फुल्ल तयारी झालीय, आम्हाला नकाशावरून आकाशात पाठवायची.
अमेरिकी : काय करणार? तेलाचे वांदे...
चिनी : मग, तुम्ही अशा चाली खेळला, तर खरं नाही. इराणी लोक तुम्हाला ऐकणार नाहीत. प्लॅन ए, बी, सी तयार आहे त्यांचे.
अमेरिकी : आम्हाला त्यांचा ‘डी’पण माहीत आहे. त्याला पण उडवून लावू.
चिनी : काय आहे त्यांचा प्लॅन ‘डी’? मिसाईल उद्ध्वस्त केलं तुमचं. जागे व्हा. आमच्यासाठी डाव मांडला तुम्ही, इराणी लोकांनी हाणून पाडला.
अमेरिकी : सत्ता आमच्याकडे राहणार. इराणमध्ये आमचच पीक पिकणार यापुढे.
चिनी : टिंग पिंग चीन...!
अमेरिकी : शिवी होती का ही? सगळे पडेल उच्चार! मिसाईल पडलं देशावर तर कसा आवाज होईल, ते जरा एक्सप्लेन करा.
चिनी : टांग टांग. काय करायचं ते करा असं म्हटलं.
अमेरिकी : ऑल राईट! पण, अशा आवाजाचं मिसाईल इराणला आजच पाठवले. आम्ही यापेक्षा मोठ्या आवाजाचं मिसाईल ट्राय करतो. अतिरेकी देश संपवायचा आहे. आम्ही ताब्यात घेऊ सगळं लवकरच.
चिनी : आम्ही काय करू युद्ध संपेपर्यंत?
अमेरिकी : मिसाईलचे आवाज ऐका. हा हा हाऽऽऽ
चीन : टांग ...
अमेरिकी : टांगा पलटी घोडे फरार. गेट लॉस्ट!