श्रीनगर; वृत्तसंस्था : केंद्रीय रस्ते वाहतूक व महामार्ग मंत्री नितीन गडकरी यांनी जोझिला बोगद्याची पाहणी केली. साधारणपणे 14 कि.मी. लांबी असलेला हा बोगदा आशियातील सर्वात मोठा बोगदा आहे. कामाचा वेग, नियोजन यामुळे अगदी सुरुवातीच्या अंदाजित खर्चापेक्षा (12 हजार कोटी रुपये) कमी खर्चात (4900 कोटी रुपये) तो पूर्ण होईल, असा विश्वास गडकरी यांनी व्यक्त केला. प्रचंड बर्फवृष्टी आणि हिमस्खलनामुळे (नोव्हेंबर ते मे) राज्यमार्ग बंद असतो. या काळात लडाखचा काश्मीरशी संपर्क तुटतो. बोगदा तयार झाला की, ही समस्या संपुष्टात येईल. सोनमर्ग और द्रास शहरादरम्यान हिमालयात या बोगद्याचे काम सुरू आहे. 2026 पर्यंत ते पूर्ण होईल. (Zojila Tunnel)
हा इतिहासही घडला
गडकरी म्हणाले, या बोगद्यावरील खर्चही एखाद्या प्रकल्पाच्या अंदाजित खर्चात 5 हजार कोटींवर बचतीचे देशातील पहिलेच उदाहरण आहे. (Zojila Tunnel)
हेही जाणून घ्या…
जोझिला पास नियंत्रण रेषेनजीक आहे. सामरिक दृष्टीनेही हा बोगदा महत्त्वाचा ठरेल. पाकिस्तानने जोझिला पासवर कब्जा जमविला होता. ऑपरेशन बायसन राबवून भारतीय लष्कराने तो पूर्ववत ताब्यात घेतला होता.
कालक्रम
वैशिष्टे
भारतासह जगभरातील लोक पर्यटनासाठी स्वित्झर्लंडला पसंती देतात. खरे तर काश्मीर हे स्वित्झर्लंडपेक्षाही सुंदर आहे. येत्या 3-4 चार वर्षांत काश्मीरमधील रस्ते वाहतूक व पायाभूत व्यवस्था आम्ही अमेरिकेच्या तोडीची करणार आहोत. जोझिला बोगदा तयार झाला की, बघा काश्मीरमधील पर्यटनात तिप्पट वाढ झाल्याशिवाय राहणार नाही. हा बोगदा म्हणजे संपूर्ण काश्मीर खोरे कन्याकुमारीशी जोडण्याच्या स्वप्नपूर्तीतील एक टप्पा आहे.
– नितीन गडकरी,
केंद्रीय रस्ते वाहतूक व महामार्ग मंत्री