नवी दिल्ली; पुढारी वृत्तसेवा : राष्ट्रवादी पक्षाचे नेते अजित पवार यांच्या नेतृत्वात पक्षाचा एक गट सत्तेत सहभागी झाल्यानंतर राष्ट्रवादी कॉंग्रेसमध्ये दोन गट पडल्याचे चित्र निर्माण झाले आहे. अशात पक्ष आणि पक्षाच्या निवडणूक चिन्हासंबंधीचा वाद केंद्रीय निवडणूक आयोगात गेल्याने पक्ष नेमका कुणाचा? असा सवाल उपस्थित केला जात आहे. पंरतु, राष्ट्रवादीत दोन गट नाहीत. अजित पवार यांनी राष्ट्रवादी कॉंग्रेसच्या निवडणूक चिन्हावर दावा करणे दुर्दैवी आहे, अशी भूमिका पवार गटाच्या वतीने निवडणूक आयोगात स्पष्ट करण्यात आली आहे.
शरद पवार यांच्या गटाने पत्र लिहून आयोगात आपले उत्तर सादर केले आहे.अजित पवार यांच्या याचिकेतून राष्ट्रवादीत दोन गट पडल्याचे कोणतेही पुरावे नाहीत.राष्ट्रवादीत कुठला वाद आहे हे सिद्ध करण्यास अजित पवार प्राथमिकदृष्या सक्षम नाहीत.प्रथम दर्शनी निवडणूक आयोगानेही राष्ट्रवादी काँग्रेस अध्यक्ष शरद पवार यांच्या नेतृत्वातील पक्षात आणि अजित पवार गटात वाद असल्याचे सिद्ध केले नाही. १ जुलै २०२३ च्या आधी अजित पवारांनी शरद पवारांना राष्ट्रवादी पक्षाविरोधात कुठलीही तक्रार दिली नव्हती.शरद पवार अथवा राष्ट्रवादीच्या कुठल्याही नेत्यांच्या बैठकीत त्यांनी विरोध केला नव्हता,असा युक्तिवाद शरद पवार गटाने आयोगाला सादर केलेल्या पत्रातून केला आहे.
३० जून २०२३ रोजी झालेल्या बैठकीत राष्ट्रवादीचे प्रमुख म्हणून अजित पवारांची निवड करण्यात आली आहे.ज्यावर पक्षातील सदस्यांनी बहुमताद्वारे स्वाक्षरी केली आहे. आगामी काळातील निवडणुका लक्षात घेता आम्ही राष्ट्रवादी पक्ष आणि घड्याळ चिन्हासह सरकारमध्ये सहभागी झालोय असा दावा अजित पवारांनी केला होता.दरम्यान,अजित पवारांनी राष्ट्रवादी काँग्रेस पक्ष आणि चिन्हावर दावा करणे दुर्दैवी असल्याचे म्हणत ही मागणी निवडणूक आयोगाने फेटाळावी अशी भूमिका शरद पवार गटाने आयोगात मांडली आहे.
लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.
'Pudhari' is excited to announce the relaunch of its Android and iOS apps. Stay updated with the latest news at your fingertips.
Android and iOS Download now and stay updated, anytime, anywhere.