पुढारी ऑनलाईन डेस्क : जम्मू आणि काश्मीरमधील अनंतनाग जिल्ह्यातील पहलगाम येथे मंगळवारी दहशतवादी हल्ला झाला. या हल्ल्यातील आता एक हृदयद्रावक व्हिडिओ समोर आला आहे. या व्हिडीओत एक महिला रडत आहे आणि मदत मागत आहे. ती तिथे उपस्थित असलेल्या एका स्थानिक व्यक्तीला सांगत आहे की, ‘दहशतवादी धर्म विचारून गोळ्या घालत होते.’
या दहशतवादी हल्ल्यात २७ जणांचा मृत्यू झाल्याची माहिती मिळत आहे. या हल्ल्याची जबाबदारी ‘द रेझिस्टन्स फ्रंट’ (TRF) या दहशतवादी संघटनेने घेतली आहे. टीआरएफ ही लष्कर-ए-तैयबा या दहशतवादी संघटनेची संलग्न संघटना आहे. पाकिस्तानमध्ये राहणारा शेख सज्जाद गुल हा टीआरएफचा प्रमुख आहे.