पुढारी ऑनलाईन डेस्क : तामिळनाडू येथे खाजगी फटाकांच्या कारखान्यात स्फोट झाला. यात दोघांचा मृत्यू झाला. तर चारजण गंभीर जखमी झाले आहेत. त्यांच्यावर सथानकुलम शासकीय रुग्णालयात उपचार सुरू आहेत.
माहितीनुसार, तामिळनाडू राज्यातील थुथुकुडी येथील शनिवारी (दि.३१) संध्याकाळी एका खाजगी फटाक्यांच्या कारखान्यात स्फोट झाला. यात दोघांचा मृत्यू झाला. तर चारजण गंभीर जखमी झाले आहेत. मुथुकन्नन (वय २१) आणि विजय (वाय २३) अशी मृतांची नावे आहेत. तर सेल्वम (21), प्रशांत (20), सेंधुरकणी (45), मुथुमारी (41) हे इतर चार जण गंभीर जखमी झाले असून त्यांच्यावर सथानकुलम शासकीय रुग्णालयात उपचार सुरू आहेत.
तमिळनाडूचे मुख्यमंत्री एमके स्टॅलिन यांनी या स्फोटात मृतांच्या कुटूंबियांना प्रत्येकी ३ लाख रुपयांची मदत जाहीर केली आहे. जखमींना प्रत्येकी एक लाख रुपयांची मदत जाहीर केली आहे.