तमिळनाडू विधानसभेच्या २३४ जागांसाठी झालेल्या ऐतिहासिक निवडणुकीचा आज फैसला होत असून सकाळी ८ वाजल्यापासून मतमोजणीला सुरुवात झाली आहे. आतापर्यंत हाती आलेल्या कलानुसार अभिनेता विजय थलापतीचा नवखा पक्ष टीव्हीकेने जोरदार मुसंडी मारत एकहाती सत्ता मिळवण्याच्या दृष्टीकोणातून कूच केली आहे. दुसरीकडे सत्ताधारी DMK आणि प्रस्थापित AIADMK यांची टीव्हीकेच्या वादळात धूळधाण उडाल्याचे दिसत आहे.
राज्याच्या इतिहासातील सर्वाधिक ८५.१ टक्के मतदानानंतर आज मुख्यमंत्री एम.के. स्टालिन यांच्या नेतृत्वाखालील 'डीएमके' (DMK) पुन्हा सत्तेवर येणार की अभिनेता विजय यांच्या 'टीव्हीके' (TVK) या नव्या पक्षाचा करिष्मा चालणार, याकडे संपूर्ण देशाचे लक्ष लागले आहे.
हिंदी भाषा सक्तीवरून द्रविडी अस्मितेला पुन्हा एकदा हवा या निवडणुकीत मिळाली आहे. त्याचबरोबर डिलीमिटेशनच्या मुद्द्यावरून दक्षिण विरूद्ध उत्तर असा देखील सामना रंगताना दिसत आहे. या सर्व पार्श्वभूमीवर तमिळ नाडूमधील राजकारण कोणतं वळण घेतं हे पाहणं उत्सुकतेचं ठरणार आहे. सत्ताधारी डीएमके आघाडी, अण्णा द्रमुक (AIADMK) आणि टीव्हीके यांच्यातील या अटीतटीच्या तिरंगी लढतीत सुरुवातीच्या कलांमध्ये कोण बाजी मारणार आणि दक्षिण भारताच्या राजकारणाची दिशा काय असणार, याचे क्षणोक्षणीचे अपडेट्स पाहा फक्त येथे.
तमिळनाडून टीव्हीकेचे वादळ सुरू असतानाच विद्यमान मुख्यमंत्री एमके स्टॅलिन आणि त्यांचे पुत्र उदयनिधी हे देखील आपापल्या मतदार संघात पिछाडीवर पडले आहेत. चेपौकम सीटवर उदयनिधी तर एमके स्टॅलिन आपल्या कोलाथूर विधानसभा सीटवर पिछाडीवर पडले आहेत.
तमिळनाडूत विजय थलापतीचा पक्ष टीव्हीकेने सत्ताधारी DMK आणि प्रस्थापित AIADMK याची धूळधाण उडवून दिली आहे. त्यांनी फक्त शतकी मजल मारली नसून ते एकहाती सत्तेच्या अगदी जवळ पोहचले आहेत.
TVK - 171
AIADMK - 26
DMK - 26
बहूमत - 118
विजय थलापतीने तमिळ नाडूत मोठा खेळ केला आहे. सत्ताधारी द्रमुक पक्षाच्या बरोबरीत जागांवर आघाडी मिळवत जोरदार मुसंडी मारली आहे. दुसरीकडे AIADMK ने देखील हळू हळू का होईना आपल्या आघाडीच्या जागांचा विस्तार वाढवण्यास सुरूवात केली आहे. त्यामुळं तमिळनाडूत पहिल्यांदाच DMK आणि AIADMK यांच्या व्यतिरिक्त तिसरा कोणता तरी पक्ष सत्तेच्या जवळ जात असल्याचं चित्र दिसत आहे.
DMK - ६२
TVK - ६२
AIADMK - ३९
DMK - ६४
TVK - ५३
AIADMK - ३९
DMK - 68
TVK - 43
AIADMK - 25
जरी अण्णा द्रमुक यांनी तमिळ नाडूमध्ये ७० जागांवर आघाडी घेतली असली तरी नवखा पत्र टीव्हीकेने ३४ जागांवर मुसंडी मारत राज्यात दुसऱ्या क्रमांकाचा पक्ष म्हणून समोर येत आहे.
निवडणुकीच्या पहिल्या कलानुसार स्टॅलिन यांची डीएमके ५५ जागांवर तर विजयची टीव्हीके ही १५ जागांवर आघाडीवर आहे.
एकूण जागा: २३४
बहुमताचा आकडा: ११८
मतदान दिनांक: २३ एप्रिल २०२६
निकाल दिनांक: ४ मे २०२६
प्रमुख स्पर्धक: डीएमके आघाडी (DMK+), अण्णा द्रमुक आघाडी (AIADMK+), आणि टीव्हीके (TVK).