नवी दिल्ली : राष्ट्रवादी काँग्रेस शरद पवार गटाच्या नेत्या, खासदार सुप्रिया सुळे यांनी लोकसभेतील विरोधी पक्षनेते राहुल गांधी, खासदार प्रियंका गांधी यांची भेट घेतली.
शरद पवारांना राज्यसभेत निवडून येण्यासाठी काँग्रेस पक्षाने सहकार्य केल्याबद्दल सुप्रिया सुळे यांनी राहुल गांधी, प्रियंका गांधी यांचे आभार मानले. तत्पूर्वी सोमवारी सुप्रिया सुळे यांनी काँग्रेस अध्यक्ष मल्लिकार्जुन खर्गे यांची भेट घेत त्यांचेही आभार मानले होते.