नवी दिल्ली : वायनाड लोकसभा पोटनिवडणुकीत ऐतिहासिक मतांनी विजयी झालेल्या काँग्रेस सरचिटणीस प्रियंका गांधी गुरुवारी लोकसभा सदस्यत्वाची शपथ घेणार आहेत. त्याबरोबरच नांदेड लोकसभा मतदारसंघातून पोटनिवडणुकीत विजयी झालेले रवींद्र चव्हाण देखील लोकसभेचे सदस्य म्हणून शपथ घेणार आहेत.
वायनाड लोकसभा पोटनिवडणुकीत प्रियंका गांधी यांना ६.२२ लाख मते मिळाली. त्यांनी माकपचे सत्यन मोकेरी यांचा ४ लाखांहून अधिक मतांनी पराभव केला. मोकेरी यांना २.११ लाख मते मिळाली. तर भाजप उमेदवार नव्या हरिदास यांना या केवळ १.०९ लाख मते मिळाली. तर नांदेड लोकसभेच्या पोटनिवडणुकीत रविंद्र चव्हाण यांनी भाजप उमेदवार संतुकराव हंबर्डे यांचा पराभव केला आहे.