पुढारी ऑनलाईन डेस्क: भारतीय रेल्वे प्लॅटफॉर्मवरील नियमांमध्ये बदल करण्यात आले आहेत. ज्या प्रवाशांचे तिकीट कन्फर्म झाले आहे, त्यांनाच आता रेल्वे स्थानकावर (प्लॅटफॉर्मवर) प्रवेश दिला जाणार आहे. देशभरातील ६० प्रमुख रेल्वे स्थानकांवर हा नवीन नियम लागू केला जाईल. या नियमाची लवकरच अंमलबजावणी करण्यात येणार असल्याचे देखील भारतीय रेल्वेने म्हटले आहे. या संदर्भातील वृत्त 'इंडिया टुडे'ने दिले आहे.
रेल्वे मंत्री अश्विनी वैष्णव यांनी उच्चपदस्थ रेल्वे अधिकाऱ्यांसोबत बैठक घेतल्यानंतर हा निर्णय घेण्यात आला, ज्यामध्ये जास्त पादचाऱ्यांची गर्दी असलेल्या स्थानकांवर गर्दी व्यवस्थापनासाठी कार्यक्षम उपाययोजना केल्या पाहिजेत यावर सहमती झाली. बैठकीत जास्त रेल्वे प्रवासींची गर्दी असलेल्या स्थानकांवर गर्दी व्यवस्थापनासाठी कार्यक्षम उपाययोजना केल्या पाहिजेत यावर सहमती झाली. या नवीन धोरणाचे उद्दिष्ट विशेषतः गर्दीच्या हंगामात प्लॅटफॉर्मवरील गर्दी नियंत्रणात आणणे हा आहे.
विशेषतः सुट्ट्या आणि सणांच्या काळात भारतीय रेल्वे स्थानकांवर सहसा गर्दी असते. बरेच लोक त्यांच्या नातेवाईकांना सोडण्यासाठी किंवा घेण्यासाठी रेल्वे स्थानकांवर येतात आणि यामुळे गर्दी वाढते. त्यामुळे रेल्वे स्थानकावरील गर्दी रोखण्यासाठी आणि प्रवाशांची सुरक्षितता सुनिश्चित करण्यासाठी हे धोरण लवकरच लागू केले जाईल. देशातील मोठ्या शहरांमधील महत्त्वाच्या रेल्वे स्थानकांवर लवकरच हे धोरण लागू केले होईल. या नवीन नियमांमुळे अनपेक्षित गर्दी टाळता येईल आणि प्रवाशांचा प्रवास सुरळीत होईल, असे भारतीय रेल्वे मंत्रालयाने म्हटले आहे.
देशातील ६० मोठ्या रेल्वे स्थानकांवर हा नियम लागू केला जाईल, ज्यामध्ये देशातील 'खालील' स्थानकांचा समावेश आहे. गर्दी नियंत्रणाच्या गरजेनुसार अतिरिक्त स्थानके यादीत समाविष्ट केली जातील, असे देखील रेल्वे मंत्रालयाने सांगितले आहे.
नवी दिल्ली रेल्वे स्थानक (दिल्ली)
छत्रपती शिवाजी महाराज टर्मिनस (मुंबई)
हावडा जंक्शन (कोलकाता)
चेन्नई सेंट्रल (चेन्नई)
बेंगळुरू सिटी रेल्वे स्थानक (बेंगळुरू)