नवी दिल्ली : दिल्लीतील राऊस अवेन्यू न्यायालयाने मंगळवारी नीट पेपरफुटी प्रकरणातील पाच आरोपींच्या न्यायालयीन कोठडीत १५ जूनपर्यंत वाढ केली.
विशेष न्यायाधीश अजय गुप्ता यांनी सीबीआयने केलेली विनंती मान्य करत, मांगीलाल खाटिक, विकास बिवाल, दिनेश बिवाल, यश यादव आणि धनंजय लोखंडे या आरोपींच्या न्यायालयीन कोठडीत वाढ करण्यास परवानगी दिली.
सुनावणीनंतर आरोपींचे वकील यादव यांनी सांगितले की, पुन्हा नियोजित करण्यात आलेल्या नीट परीक्षेच्या तयारीसाठी पुस्तके मिळण्याबाबत त्यांच्या यश यादवने केलेली विनंती न्यायालयाने मान्य केली आहे.
दरम्यान, सोमवारी (१ जून २०२६) मनीषा संजय हवालदार, डॉ. मनोज शिरुरे आणि तेजस हर्षदकुमार शाह या आरोपींना १४ दिवसांच्या न्यायालयीन कोठडीत पाठवण्यात आले. या प्रकरणात सीबीआयने आतापर्यंत १३ आरोपींना अटक केली आहे.