पुढारी ऑनलाईन डेस्क : आजपासून एलपीजी गॅस सिलिंडर महागाईचा ग्राहकांना झटका बसणार आहे. अर्थसंकल्पानंतर तेल विपणन कंपन्यांनी एलपीजी सिलिंडरच्या किमती वाढवल्या आहेत. एलपीजी सिलिंडरच्या किंमतीत ८.५० रुपयांपर्यंत वाढ केली आहे. ही वाढ केवळ १९ किलोच्या व्यावसायिक सिलिंडरमध्ये झाली आहे. तर १४ किलोच्या घरगुती गॅस सिलिंडरच्या किमती या वेळीही कायम आहेत.
आज १ ऑगस्टपासून मुंबईत घरगुती एलपीजी सिलेंडर ८०२.५० रुपयांना मिळणार आहे. तर १९ किलोच्या निळ्या सिलेंडरची किंमत १६०५ रुपये झाली आहे. पूर्वी तो १५९८ रुपये होती. चेन्नईतही एलपीजी सिलिंडरच्या दरात वाढ झाली आहे. आता येथे व्यावसायिक एलपीजी सिलिंडर १८१७ रुपयांना मिळणार आहे. पूर्वी तो १८०९.५० रुपये होता.