नवी दिल्ली (वृत्तसंस्था) : दर मिनिटाला ७५० गोळ्या डागण्याची क्षमता असलेल्या मेक ईन इंडियाच्या अंतर्गत विकसित केलेली स्वदेशी बनावटीची लाईट कॉम्बेट हेलिकॉप्टर्स (एलसीएच) भारतीय लष्करात दाखल होणार आहेत. ही हेलिकॉप्टर एकाचवेळी हवाई दलासह भूदलामध्ये वापरली जाणार आहेत. सोमवारी (दि. 3) 90 व्या भारतीय हवाईदल दिनानिमित्त जोधपूर येथे 10 'एलसीएच'चा ताफा हवाई दलात आणि अन्य पाच भूदलांत औपचारकिरीत्या दाखल होणार आहे. यावेळी संरक्षणमंत्री राजनाथ सिंह आणि हवाई दलप्रमुख एअर चीफ मार्शल व्ही. आर. चौधरी उपस्थित राहणार आहेत. सुमारे 3 हजार 885 कोटी रुपये खर्चून 'एलसीएच'ची निर्मिती हिंदुस्थान एरोनॉटिकल्सकडून करण्यात आली आहे. लष्कराकडून गेल्या दोन दशकांपासून या हेलिकॉप्टरची मागणी करण्यात आली होती.
1996 मध्ये कारगील युद्धात शत्रू उंचीवर असताना 'एलसीएच'सारख्या हेलिकॉप्टरची उणीव भासली होती. या लिकॉप्टरबाबतची माहिती पहिल्यांदा 2006 मध्ये सरकारला समजली. 2015 मध्ये त्याची चाचणी घेण्यात आली. यावेळी हेलिकॉप्टरने 20 हजार ते 25 हजार फूट उंचीवर उड्डाण भरले. गेल्या वर्षी चीनसोबत तणाव निर्माण झाल्यानंतर या हेलिकॉप्टरचे दोन ताफे लडाखमध्ये तैनात करण्यात आले होते.