पुढारी ऑनलाईन डेस्क : जम्मू-काश्मीरमधील कुपवाडा येथे आज (दि.२४) भारतीय लष्कराच्या शोध मोहिमेदरम्यान झालेल्या चकमकीत एक दहशतवादी ठार झाला. तर एक जवान जखमी झाला आहे. काश्मीरमध्ये २४ तासांतील ही दुसरी चकमक आहे. (Jammu-Kashmir)
काही दिवसांपूर्वी कुपवाडा येथील कोवुत भागात दहशतवादी असल्याची माहिती मिळाल्यानंतर लष्कराने जम्मू-काश्मीर पोलिसांसह संयुक्त शोध मोहीम सुरू केली होती. दरम्यान कुपवाडा येथे आज (दि.२४) भारतीय लष्कराच्या शोध मोहिमेदरम्यान झालेल्या चकमकीत एक दहशतवादी ठार झाला. आणि एक जवान जखमी झाला आहे. काश्मीरमध्ये २४ तासांतील ही दुसरी चकमक आहे.
आज जवानांनी संशयास्पद हालचाल लक्षात येताच जवान आणि दहशतवादी यांच्यात अंदाधुंद गोळीबार झाला. त्यानंतरच्या गोळीबारात एक दहशतवादी ठार झाला आणि एक जवान जखमी झाला. ऑपरेशन सुरू असल्याचे असे लष्कराने सांगितले. या परिसरात शोधमोहीम सुरू करण्यात आल्याचे अधिकाऱ्यांनी सांगितले.