नवी दिल्ली : उत्तर प्रदेशचे मुख्यमंत्री योगी आदित्यनाथ यांनी शनिवारी माजी राष्ट्रपती रामनाथ कोविंद, गृहमंत्री अमित शाह, संरक्षणमंत्री राजनाथ सिंह यांच्या सदिच्छा भेटी घेतल्या. यावेळी योगी आदित्यनाथ यांनी सर्व मान्यवरांना महाकुंभमेळ्याचे आमंत्रण दिले.
उत्तर प्रदेश सरकारने महाकुंभमेळ्याच्या आयोजनासाठी जोरदार तयारी केली आहे. योगी आदित्यनाथ यांनी महाकुंभमेळ्याचे आमंत्रण देण्यासाठी शनिवारी दिल्ली दौरा केला. यावेळी त्यांनी भाजप अध्यक्ष जे. पी. नड्डा, मिझोरामचे नवनियुक्त व्ही. के. सिंग यांनाही आमंत्रण दिले.
दर बारा वर्षांनी महाकुंभमेळ्याचे आयोजन केले जाते. यंदाचा महाकुंभमेळा १३ जानेवारीपासून सुरू होईल आणि २६ फेब्रुवारी २०२५ रोजी संपेल. महाकुंभमेळ्याची तयारी अंतिम टप्प्यात आली आहे.