Faridabad Ammonium Nitrate Seized
नवी दिल्ली : फरिदाबादमधून २,९०० किलोग्रॅमहून अधिक अमोनियम नायट्रेटचा साठा जप्त करण्यात आला आहे. पोलीस सूत्रांनी दिलेल्या माहितीनुसार अजून सुमारे ३०० किलो साठा असण्याची शक्यता असून NIA आणि पोलिसांकडून युद्ध स्तरावर शोध मोहीम सुरू आहे.
मिळालेल्या माहितीनुसार, जम्मू-काश्मीर आणि हरियाणा पोलिसांच्या संयुक्त कारवाईत फरिदाबादमध्ये एक मोठा स्फोटकांचा साठा जप्त झाला होता. वेगवेगळ्या ठिकाणांहून एकत्रितपणे सुमारे २,९०० किलोग्रॅम अमोनियम नायट्रेटसारखे स्फोटक आणि इतर आईईडी साहित्य आणि शस्त्रे सापडली होती.
स्थानिय अहवालांनुसार एका घरातून सुमारे ३५० ते ३६० किग्रॅ अमोनियम नायट्रेट तातडीने हस्तगत केले गेले आणि दुसऱ्या ठिकाणाहून अतिरिक्त २,५०० - २,५ ६३ किग्रॅ आढळल्याची माहिती देण्यात येत आहे. त्यामुळे जप्त केलेल्या एकूण मात्रा सुमारे २,९०० किलोग्रॅम स्फोटक होतात.
मात्र, काही सूत्रांचा दावा आहे की, अद्याप सुमारे ३०० किलोग्रॅम अमोनियम नायट्रेट वेगवेगळ्या ठिकाणी लपवलेले असू शकते आणि ते शोधणे ही सध्या सुरक्षा यंत्रणांसमोरली मोठी आव्हानात्मक कामगिरी आहे. परंतु, या ३०० किलो शिल्लक साठ्याबाबत अधिकाऱ्यांकडून सार्वजनिक पद्धतीने अद्याप निश्चित पुष्टी मिळू शकलेली नाही.
प्रारंभिक तपासात असेही नमूद केले जाते की, जप्त केलेली रक्कम आणि साहित्यानुसार मोठ्या प्रमाणावर आयईडी तयार करण्याची क्षमता होती, त्यामुळे देशाच्या विविध भागांत सतर्कता वाढवण्यात आली आहे. संबंधित तपास आता NIA, पोलिसांच्या विशेष पथकांमार्फत पुढे नेण्यात येत आहे. मिळालेल्या माहितीनुसार ही स्फोटके आंतरराष्ट्रीय मार्गे बांगलादेश-नेपाळ मार्गाने आणण्यात आला असावा.