पुढारी ऑनलाईन डेस्क : दिल्ली विधानसभा निवडणुकीतील पराभवानंतर आम आदमी पक्षाचे राष्ट्रीय संयोजक आणि माजी मुख्यमंत्री अरविंद केजरीवाल यांच्या अडचणीत आणखी भर पडली आहे. सार्वजनिक निधीच्या गैरवापरप्रकरणी केजरीवालांवर गुन्हा दाखल करण्याचे आदेश दिल्लीतील राऊस अव्हेन्यू न्यायालयाचे पोलिसांना दिले आहेत.
सार्वजनिक निधीच्या गैरवापरप्रकरणी अरविंद केजरीवाल आणि इतरांविरुद्ध एफआयआर नोंदवण्याचे निर्देश राऊस अव्हेन्यू न्यायालयाने दिल्ली पोलिसांना दिले आहेत. या प्रकरणी शिवकुमार सक्सेना यांची याचिका दाखल केली होती. न्यायालयोन ती स्वीकारली. न्यायालयाने दिल्ली पोलिसांना १८ मार्च रोजी या प्रकरणी अहवाल दाखल करण्याचे निर्देशही दिले आहेत.