नवी दिल्ली : १ मार्चपासून देशभरातील व्यावसायिक एलपीजी सिलिंडरच्या किमतीत ६ रुपयांची वाढ करण्यात आली आहे. यानंतर दिल्लीत १९ किलोच्या व्यावसायिक एलपीजी सिलिंडरची किंमत १७९७ रुपयांवरून १८०३ रुपयांवर पोहोचली आहे.
मात्र, ऑगस्ट २०२४ पासून १४.२ किलोच्या घरगुती एलपीजी सिलिंडरच्या किमतीत कोणताही बदल झालेला नाही. ६ रुपयांची वाढ ही गेल्या ५ वर्षातील १ मार्च रोजी नोंदवलेली सर्वात कमी दरवाढ आहे. दरम्यान, १९ किलोच्या व्यावसायिक सिलिंडरसाठी अर्थसंकल्पाच्या दिवशी ७ रुपयांची किरकोळ कपात जाहीर करण्यात आली होती.